کراچی (17 مئی 2026): سندھ کے شینئر وزیر شرجیل میمن کا کہنا ہے کہ انمول عرف پنکی سے منشیات خریدنے والوں کے نام جانتا ہوں لیکن ابھی پگڑیاں نہیں اچھالنا چاہتا۔
شرجیل میمن نے پریس کانفرنس کرتے ہوئے کہا کہ بدقسمتی سے ہم نے منشیات کے مسئلے کو سنجیدہ نہیں لیا، ملک سے ناسور کا خاتمہ کرنا حکومت سندھ کی ذمہ داری ہے، جلد پورا نیٹ ورک نیست و نابود کر دیں گے۔
یہ بھی پڑھیں: پنکی ایپسٹین فائلز کا پاکستانی ورژن ہے، وزیر دفاع
سینئر صوبائی وزیر نے مزید کہا کہ انمول عرف پنکی منشیات کی اسمگلر اور سپلائر تھی، ملزمہ اس وقت قانون کے شکنجے میں ہے، قانون نافذ کرنے والے اداروں نے ہمت دکھائی شاباش دیتا ہوں۔
ان کا کہنا تھا کہ معاشرے کی سب سے بڑی برائی اور جڑ کو گرفتار کیا گیا، انمول عرف پنکی کو کیفر کردار تک پہنچائیں گے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں