The news is by your side.

Advertisement

این ہیتھوے کا نام ہالی ووڈ واک آف فیم ستاروں میں شامل

ہالی ووڈ کی معروف آسکر ایوارڈ یافتہ اداکارہ این ہیتھوے کا نام واک آف فیم پر درج ستاروں میں شامل کرلیا گیا۔ این اقوام متحدہ کی خیر سگالی سفیر بھی ہیں۔

اپنی لاجواب اداکاری سے لاکھوں مداحوں کو متاثر کرنے والی آسکر ایوارڈ یافتہ امریکی اداکارہ این ہیتھوے نے ہالی ووڈ واک آف فیم اسٹار کا اعزاز حاصل کرلیا۔

ہالی ووڈ واک آف فیم لاس اینجلس میں منعقد کی جانے والی تقریب میں 36 سالہ اداکارہ نے اپنے نام کے ستارے کی نقاب کشائی کی۔

تقریب میں ہیتھوے کے شوہر اور قریبی دوستوں نے خصوصی طورپر شرکت کی جبکہ سینکڑوں مداح بھی اپنے پسندیدہ ستارے کی ایک جھلک دیکھنے کے لیے وہاں موجود تھے۔

این ہیتھوے نے اپنی ہالی ووڈ کیریئر کا آغاز سنہ 2001 سے کیا، وہ اب تک بافٹا، آسکر اور گولڈن گلوب ایوارڈز سمیت 54 ایوارڈز جیت چکی ہیں۔

این کو سنہ 2013 میں ’لیس مزرایبل‘ میں شاندار اداکاری پر بہترین معاون اداکارہ کے اکیڈمی ایوارڈ سے نوازا گیا۔ اس فلم میں انہوں نے ایک طوائف کا کردار ادا کیا تھا جو اپنی زندگی کے آخری لمحات گزار رہی ہوتی ہے۔

سنہ 2016 میں اقوام متحدہ (خواتین) کی جانب سے این ہیتھ وے کو خیر سگالی سفیر بھی مقرر کیا گیا۔ این ہیتھ وے کا شعبہ ’کام کے دوران ماؤں کو دی جانے والی سہولیات‘ کا ہے۔

وہ نکول کڈمین اور ایما واٹسن کے بعد تیسری ہالی وڈ اداکارہ ہیں جو یو این ویمن کے ساتھ کام کر رہی ہیں۔

Comments

comments

یہ بھی پڑھیں