The news is by your side.

Advertisement

کالعدم ٹی ایل پی کا دھرنا ختم کرنے کا اعلان

کالعدم تحریک لبیک پاکستان نے لاہور میں کئی روز سے جاری دھرنا ختم کرنے کا اعلان کر دیا۔

‏ حکومت سے کامیاب مذاکرات کے بعد ٹی ایل پی رہنماؤں نے لاہور میں جاری دھرنا ختم کرنے کا ‏اعلان کر دیا۔ یہ اعلان مولاناقاضی محمود اعوان سمیت کالعدم ٹی ایل پی شوریٰ ارکان نےکیا۔

مولاناقاضی محمود اعوان نےکہا کہ قرارداد پیش ہوگئی ہےاس لیےاحتجاج ختم کر دیں، کارکنوں سے ‏گزارش ہے سڑکوں سے رکاوٹیں بھی ہٹا دیں۔

قومی اسمبلی کے اہم ترین اجلاس میں فرانسیسی سفیر سے متعلق قرارداد بحث کیلئے منظور کرلی ‏گئی ہے

قرارداد کے اہم نکات

یہ ایوان فرانسیسی میگزین کی جانب سےنبیﷺکی شان میں گستاخی کی مذمت کرتاہے۔

فرانسیسی صدر کی گستاخی کرنیوالے عناصر کی حوصلہ افزائی افسوسناک ہے، قرارداد

فرانسیسی سفیر کو ملک بدر کرنے کے مسئلے پر بحث کی جائے۔

یورپی ممالک بالخصوص فرانس کو معاملے کی سنگینی سے آگاہ کیا جائے۔

تمام مسلم ممالک سے معاملے پر سیر حاصل بات کی جائے۔

اس مسئلے کو اجتماعی طور پر بین الاقوامی فورمزپر اٹھایا جائے۔

اس سے قبل وزیراعظم عمران خان کی زیرصدارت پارلیمانی پارٹی کااجلاس ہوا، جس میں حکومت ‏اور اتحادی جماعتوں کے اراکین شریک ہوئے، پارلیمانی پارٹی کے اجلاس میں فرانسیسی سفیر کو ‏ملک بدر کرنے کی قرار داد کا متن پیش کیا گیا اور قرار داد کا متن تمام ارکان کےسامنے پڑھ کر سنایا ‏گیا ۔

قرارداد کے متن میں کہا گیا ہے کہ فرانسیسی سفیر ملک بدر کرنے کیلئے پارلیمنٹ سے رائے لی ‏گئی ہے ، فرانسیسی سفیر کو کیوں نہ ملک بدر کیاجائے۔

قرارداد میں مذہبی معاملات پر احتجاج کیلئے ملک کے مختلف مقامات پر جگہ فراہم کرنے کی ‏بھی تجویز دیتے ہوئے کہا گیا ہے کہ سڑکوں کی بندش کے بجائے احتجاج کیلئے مخصوص مقامات ‏کا تعین کیاجائے۔

Comments

یہ بھی پڑھیں