ابوظہبی: متحدہ عرب امارات کی ایئرلائن(فلائی دبئی) نے بھارت سے اماراتی رہائشی ویزا ہولڈرز کو وطن واپس لانے کے لیے پروازیں چلانے کا اعلان کردیا ہے۔
عرب میڈیا کی رپورٹ کے مطابق فلائی دبئی کا کہنا ہے کہ اماراتی رہائشیوں کو یو اے ای لانے کے لیے بھارت کے 9 میں پروازیں آپریٹ کریں گے جن میں احمد آباد، بنگلورو، حیدرآباد، کوچی، کولکتہ، کوزیکود، ممبئی اور تھیرم تھاپرن شامل ہیں۔ مذکورہ شہروں سے ‘یو اے ای’ کے رہائشی واپس لائے جائیں گے۔
ایئرلائن کا کہنا ہے کہ امارات کے رہائشیوں کے پاس دبئی سے جاری کردہ کارآمد ویزا ہونا ضروری ہے جس کی بنیاد پر وہ سفر کرنے کے اہل قرار پائیں گے۔
سفر کے لیے بنیادی شرائط
بھارت سے متحدہ عرب امارات آنے والے اماراتی رہائشیوں کو ویکسین کی دونوں خوراکیں لگوانا لازمی ہے، جبکہ دوسری ڈوز کے بعد 14 دن کا گزرنا بھی شرط ہے، ویکسینیشن کارڈ یو اے ای کے متعلقہ اداروں سے منظورہ شدہ ہونا چاہیے۔
وہ کورونا ٹیسٹ رپورٹ اہل ہوگی جو 48 گھنٹے کے اندر اندر کرائی گئی ہو۔ پرواز کے اڑان بھرنے سے 4 گھنٹے قبل ایک ریپڈ پی سی آر کورونا ٹیسٹ بھی ہوگا۔
بڑی خوشخبری: پروازوں کی بحالی کا اعلان
مسافروں کو امارات کے متعلقہ ادارے میں آن لائن مطلوبہ دستاویزات جمع کرنا ہوں گی۔12 سال سے کم عمر بچوں پر کورونا ٹیسٹ اور ویکسین کی شرط عائد نہیں کی گئی ہے۔
