The news is by your side.

امارات میں پٹرول اور ڈیزل کے نرخوں کا اعلان

متحدہ عرب امارات نے ماہ نومبر کے لیے پٹرول اور ڈیزل کی نئی قیمتوں کا اعلان کردیا ہے، قیمتوں میں 10 فیصد اضافے کا اعلان کیا گیا ہے۔

عرب میڈیا کے مطابق یو اے ای میں پٹرولیم مصنوعات کی قیمتوں میں 10 فیصد اضافے کے بعد پٹرول سپر 98 جو اکتوبر میں 3.03 درہم میں دستیاب تھا، اب 3.32 درہم فی لٹر فروخت ہوگا۔

اسپیشل 95 جو اکتوبر میں 2.92 درہم میں فراہم کیا جارہا تھا اب 3.20 درہم فی لٹر میں دستیاب ہوگا اسی طرح ای پلس 91 کے نرخ جو اکتوبر میں کم کرکے 2.85 درہم کیے گئے تھے اب 3.13 درہم فی لٹر میں فروخت کیا جائے گا۔

نئی نرخوں کے مطابق ڈیزل کی قیمت 4.01 درہم مقرر کی گئی ہے جبکہ اکتوبر میں ڈیزل 3.76 درہم فی لیٹر میں فروخت کیا جا رہا تھا۔

فیول پرائس کمیٹی کے مطابق نئی قیمتوں کا اطلاق منگل یکم نومبر یعنی آج سے ہوگیا ہے۔

Comments

یہ بھی پڑھیں