راولپنڈی: جی ایچ کیو میں سالانہ فارمیشن کمانڈرز کانفرنس منعقد ہوئی، جس کی صدارت آرمی چیف جنرل قمر جاوید باجوہ نے کی۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ کی زیر صدارت فوج کے جنرل ہیڈکوارٹر راولپنڈی میں سالانہ فارمیشن کمانڈرز کانفرنس منعقد ہوئی۔
آئی ایس پی آر نے بتایا کہ فارمیشن کمانڈرز کانفرنس میں تمام جنرل آفیسرز نے شرکت کی، کانفرنس میں جیو اسٹرٹیجک صورت حال اور قومی سلامتی سے متعلق امور پر تبادلۂ خیال کیا گیا۔
شعبہ تعلقات عامہ نے کہا کہ کانفرنس میں داخلی سیکورٹی کے معاملات، ملک کو در پیش چیلنجز اور ان سے نمٹنے کے لیے جوابی حکمت عملی پر بھی گفتگو کی گئی۔
Annual Formation Commanders’ Conference held at GHQ. Forum reviewed geo-strategic and national security environment. Internal security landscape of the country, challenges being confronted and responses were discussed in detail.
(1 of 2). pic.twitter.com/eHWT9TFzse— Maj Gen Asif Ghafoor (@OfficialDGISPR) June 12, 2019
کانفرنس سے خطاب کرتے ہوئے آرمی چیف جنرل قمر جاوید باجوہ نے کہا کہ پاک فوج ہر قسم کے خطرے سے نمٹنے کے لیے تیار ہے، مادر وطن کے دفاع کی بھرپور صلاحیت موجود ہے۔
آرمی چیف نے کہا کہ آپریشن رد الفساد کی کام یابیوں کو آگے بڑھایا جائے گا، امن و استحکام کو تقویت دینے کے لیے کام یابیوں کو رائیگاں نہیں جانے دیں گے۔
اجلاس کے شرکا نے وطن کی خدمت کے لیے ہر اقدم بروئے کار لانے کے عزم کا اعادہ کیا۔
