The news is by your side.

Advertisement

سندھ میں کرونا کے مزید 2262 کیسز رپورٹ ہوگئے، مراد علی شاہ

کراچی : وزیر اعلیٰ مراد علی شاہ نے کہا ہے کہ گزشتہ چوبیس گھنٹوں کے دوران سندھ میں کرونا سے متاثرہ مزید 23 مریض انتقال کرگئے۔

تفصیلات کے مطابق وزیر اعلیٰ سندھ سید مراد علی شاہ نے کرونا وائرس سے متعلق اپنے پیغام میں بتایا ہے کہ سندھ بھر میں کرونا کے مزید 2262 کیسز رپورٹ ہوئے ہیں جب کہ اب تک کرونا وائرس سے انتقال کرنے والوں کی تعداد 816 ہوچکی ہے۔

مراد علی شاہ کا کہنا تھا کہ گزشتہ 24 گھنٹے میں 10081 ٹیسٹ کئے گئے ہیں جبکہ اب تک 287135 ٹیسٹ کئے جاچکے ہیں جس میں سے 51518 پازیٹو آئے۔

انہوں نے بتایا کہ اس وقت 26315 مریض زیر علاج ہیں جبکہ ان میں سے کرونا کے 539 مریضوں کی حالت تشویشناک ہے، جن میں سے 69 مریضوں کو وینٹی لیٹر پر منتقل کر دیا گیا ہے۔

وزیر اعلیٰ سندھ مراد علی شاہ کا کہنا تھا کہ آج 1274 مریض صحتیاب ہوئے ہیں جبکہ کرونا سے صحتیاب مریضوں کی تعداد 24387 ہوگئی۔

خیال رہے کہ ملک بھر میں کرونا وائرس سے متاثرہ افراد کی تعداد 1 لاکھ 35 ہزار 405 ہوگئی ہے جس میں سے دو ہزار 551 افراد دم توڑ چکے ہیں جبکہ پچاس ہزار سے زائد کرونا مریض صحتیاب ہوچکے ہیں۔

Comments

یہ بھی پڑھیں