عرب ملک اردن نے یکم ستمبر سے ملک گیر لاک ڈاؤن اور کرفیو ختم کرنے کا اعلان کر دیا۔
عرب میڈیا کے مطابق یہ اعلان وزیراطلاعات صخر دودین کی جانب سے کیا گیا ہے۔ ان کا کہنا ہے کہ یکم ستمبر سے ملک بھر میں نافذ ہرقسم کا کرفیو اور لاک ڈاؤن ختم کر دیا جائے گا۔
پابندیاں اٹھائے جانے کے بعد نجی و سرکاری ادارے معمول کے مطابق کام کریں گے اور دفاتر میں ملازمین کی 100 فیصد حاضری ہو گی۔
کاروباری سرگرمیاں مکمل طور پر بحال، سماجی تقریبات اور شادی ہالز میں 200 افراد کے شرکت کی اجازت ہو گی جبکہ دیگر فیسٹیولز میں 50 فیصد گنجائش تک حاضری ہو گی۔
اس حوالے سے وزیراطلاعات کا کہنا ہے کہ ویکسینیشن عمل اور پابندیوں کی وجہ سے کورونا وبا میں کمی ہوئی ہےجولائی اور اگست میں وبا کی صورتحال قابو میں رہی ہے۔
اساتذہ اور طلبہ کی ویکسینیشن بھی تیزی سے جاری ہے اور پابندیوں کے خاتمے کے بعد تدریسی عمل بھی شروع ہو جائے گا۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں