The news is by your side.

Advertisement

کراچی میں کروناوائرس کا ایک اور کیس سامنے آگیا

کراچی: شہرقائد میں کروناوائرس کا ایک اور کیس سامنے آگیا، سندھ حکومت نے تصدیق کردی۔

اے آر وائی نیوز کے مطابق ترجمان وزیراعلیٰ سندھ نے کہا ہے کہ کراچی میں کروناوائرس کا ایک اور کیس سامنے آنے کے بعد سندھ میں مہلک وائرس کے مریضوں کی تعداد 3 ہوگئی۔

ترجمان کا کہنا ہے کہ متاثرہ شخص کی عمر 69 سال ہے اور تعلق ڈسٹرکٹ  شرقی سے ہے۔ جبکہ سندھ حکومت نے متاثرہ شخص سے رابطے میں رہنے والے تمام افراد کے ٹیسٹ کرانے کی بھی ہدایت کردی۔

وزیراعظم کے معاون خصوصی برائے صحت ڈاکٹر ظفر مرزا نے بھی ٹوئٹ کے ذریعے چھٹے کیس کی تصدیق کردی، ان کا کہنا ہے کہ کروناوائرس کے نئے مریض کی حالت مستحکم ہے۔

پاکستان میں کروناوائرس کے مریضوں کی تعداد 6 ہوگئی۔

پاکستان میں کرونا وائرس کا پانچواں کیس رپورٹ، ڈاکٹر ظفر مرزا کی تصدیق

خیال رہے کہ تین مارچ کو پاکستان میں کروناوائرس کے پانچویں کیس کی تصدیق معاون خصوصی برائے صحت ڈاکٹر ظفر مرزا نے کی تھی، آج رپورٹ ہونے والے ایک کیس کے بعد مریضوں کی مجموعی تعداد 6 ہوگئی ہے۔

معاون خصوصی برائے صحت نے 29 فروری کو کہا تھا کہ پاکستان اور ایران کے درمیان ایئر ٹریفک معطل ہے، زائرین کی واپسی کے لیے اقدامات کررہے ہیں، ایران سے فلائٹ آپریشن مناسب وقت پر شروع کیا جائے گا، کرونا کی روک تھام کے لیے ایکشن پلان پر کافی دنوں سے کام ہورہا ہے، میڈیا کوشش کرے مریض کی معلومات زیادہ نہ دے۔

Comments

یہ بھی پڑھیں