واشنگٹن: وائٹ ہاؤس میں امریکی صدر ڈونلڈ ٹرمپ کے مشیر اسٹیپن ملر بھی کرونا وائرس کا شکار ہوگئے۔
تفصیلات کے مطابق صدر ٹرمپ کے مشیر اسٹیپن ملر میں کرونا وائرس کی تشخیص ہوگئی، اسٹیپن ملر امریکی صدر کی متنازع امیگریشن پالیسی کے مشیر ہیں۔
وائٹ ہاؤس سے منسلک اب تک 2درجن افراد کرونا کا شکار ہوچکے ہیں۔
قبل ازیں امریکی صدر خود بھی کروناوائرس کا شکار ہوئے لیکن طبیعت بہتر ہونے پر وہ دوبارہ وائٹ ہاؤس پہنچ گئے جہاں سے ٹرمپ نے دوبارہ اپنی معمولی سرگرمیوں کا آغاز کردیا ہے اور انتخابات کی تیاری کررہے ہیں۔
امریکا کی اعلیٰ عسکری قیادت قرنطینہ میں چلی گئی
واضح رہے کہ امریکی صدر ڈونلڈ ٹرمپ کورونا ٹیسٹ مثبت آنے کے بعد گزشتہ جمعہ سے ملٹری ہسپتال میں زیر علاج تھے، اب وہ وائٹ ہاؤس واپس آگئے ہیں تاہم ڈاکٹروں کے مطابق وہ ابھی پوری طرح صحت یاب نہیں ہوئے ہیں۔
خیال رہے کہ گزشتہ روز کوسٹ گارڈ کے ایڈمرل کورونا وائرس مبتلا ہوئے جس کے بعد اعلیٰ عسکری قیادت نے احتیاطی تدابیر کے تحت خود کو قرنطینہ کر لیا ہے۔
پنٹاگون نے تصدیق کرتے ہوئے کہا تھا کہ چیئرمین جوائنٹ چیفس جنرل مارک ملی بھی قرنطینہ ہوگئے ہیں۔
