The news is by your side.

Advertisement

سیاحتی شعبے کی بہتری کے لیے حکومت کا ایک اور اہم فیصلہ

اسلام آباد: سیاحتی شعبے کی بہتری کے لیے حکومت نے ایک اور اہم فیصلہ کرلیا، خسارے میں چلنے والے سیاحتی اداروں کی اب ری اسٹرکچرنگ کی جائے گی۔

تفصیلات کے مطابق پی ٹی ڈی سی میں ضرورت سے زائد سیاسی بھرتیوں کو بھی ختم کیا جائے گا اور پی ٹی ڈی سی کا مکمل ڈھانچہ از سرنو تشکیل دیا جائےگا۔ 400 سے زائد ملازمین کے تمام واجبات ادا کرکے نوٹس بھجوا دیے گئے۔

نئے آفسز تعمیر کرکے ضرورت کے مطابق از سر نو بھرتی کی جائے گی۔ سیاحتی مقامات پر موجود ہوٹلز صوبوں کے حوالے کیے جائیں گے۔ پی ٹی ڈی سی کا انتظام نیشنل ٹورازم کو آرڈینیشن بورڈ کو منتقل کردیا جائے گا۔

650 ملین کے خسارے کی وجہ سے ری اسٹرکچرنگ کی جا رہی ہے۔

پاکستان اور سعودی عرب کے درمیان سیاحت میں تعاون بڑھانے پر غور

خیال رہے کہ گزشتہ روز وزیر اعظم کے معاون خصوصی زلفی بخاری اور سعودی وزیر سیاحت احمد بن عقیل الخطیب کے درمیان پاکستان اور سعودی عرب میں سیاحت کے شعبے میں تعاون بڑھانے پر غور کیا گیا تھا۔

سیاحت کے ادارے نیشنل ٹورازم بورڈ کے چیئرمین سید زلفی بخاری اور سعودی وزیر سیاحت احمد بن عقیل الخطیب نے ایک ویڈیو کال کے دوران سیاحت کے شعبے کو کھولنے کے لیے حکمت عملی ترتیب دینے پر گفتگو کی تھی اور سیاحت کی معیشت کی بہتری میں اہمیت پر زور دیا تھا۔

Comments

یہ بھی پڑھیں