The news is by your side.

Advertisement

وزیراعظم کا نوجوانوں کے لیے ایک اور اہم منصوبہ

اسلام آباد: وزیراعظم عمران خان کا نوجوانوں کے لیے ایک اور اہم منصوبہ سامنے آگیا۔ ملکی تاریخ کا سب سے بڑا اسکل ڈویلپمنٹ پروگرام آج سے شروع ہوگا۔

تفصیلات کے مطابق وزیراعظم عمران خان آج ہنرمند پاکستان منصوبے کا آغاز کریں گے۔ اسلام آباد کے کنونشن سینٹر میں پروگرام لانچنگ کی تیاریاں مکمل کرلی گئی ہیں۔

کنونشن سینٹر میں اسکرینز نصب کردیے گئے۔ نوجوانوں کا خصوصی ترانہ بھی ریلیز کر دیا گیا۔ وزیراعظم کے معاون خصوصی برائے یوتھ افیئرز عثمان ڈار نے کنونشن سینٹر کا دورہ کیا۔

عثمان ڈار کا کہنا ہے کہ ہنرمند جوان پروگرام کے تحت لاکھوں نوجوانوں کو فنی تربیت دی جائے گی، 50 ہزار نوجوانوں کو جدید ترین صلاحیتیوں پر مبنی تربیت دی جائے گی۔ آرٹیفیشل انٹیلی جنس، روبوٹکس اور کلاؤڈ کمپیوٹنگ کے علوم شامل ہوں گے۔

70 مدارس میں بھی تکنیکی تعلیم کی فراہمی کا انتظام کیا جائے گا، دوست ممالک کے اشتراک سے سینٹرآف ایکسیلینس قائم کیے جائیں گے، ہنر یافتہ نوجوانوں کو عالمی اداروں کے خصوصی سرٹیفیکیٹس دیے جائیں گے۔

عثمان ڈار کا مزید کہنا تھا کہ ہنر حاصل کرنے والے نوجوان قرض حاصل کرکے اپنا روزگار شروع کرسکیں گے، پروگرام کے تحت ملک میں نیشنل اکریڈیٹیشن کونسل کا قیام عمل میں لایا جائے گا۔

fb-share-icon0
Tweet 20

Comments

comments

یہ بھی پڑھیں