کراچی: چاقو بردار ملزم پھر سرگرم، حیدری میں خاتون پر تیز دھار آلے سے حملہ knife
The news is by your side.

Advertisement

کراچی: چاقو بردار ملزم پھر سرگرم، حیدری میں خاتون پر تیز دھار آلے سے مبینہ حملہ

کراچی: حیدری کے علاقے میں خاتون پر تیز دھار آلے سے مبینہ حملہ کیا گیا ، خاتون کے رشتے دار رپورٹ درج کرانے تھانے پہنچ گئے۔

تفصیلات کے مطابق کراچی میں چھرا مار پھر متحرک ، حملہ آور نے علاقہ بدل لیا، کئی دنوں کی خاموشی کے بعد کراچی کے علاقے حیدری میں میں ملزم نے تیز دھار آلے سے وار کرکے خاتون کو زخمی کردیا ، خاتون کے رشتے دار رپورٹ درج کرانے تھانے پہنچ گئے۔

تیزدھار آلے سے حملے کا واقعہ الفتح پارک کے باہر پیش آیا ، پولیس تحقیقات کے لئے جائے واردات پر پہنچ گئی ہے۔

دوسری جانب پولیس کا اپنے مؤقف میں کہنا ہے کہ موٹرسائیکل سوار خاتون سے ٹکرایا تھا، موٹرسائیکل ٹکرانے سے خاتون سمجھی کہ حملہ ہوا ہے۔


مزید پڑھیں : کراچی، چاقو بردار ملزم سرگرم، تین گھنٹے کے دوران پانچ خواتین پر وار


یاد رہے کہ گلستان جوہر میں خواتین پر تیز دھار آلے سے حملے کرنے کے واقعات 25 ستمبر سے شروع ہوئے اور اب تک 15 خواتین کو حملوں میں زخمی کیا جاچکا ہے، جن میں سے بیشتر کے جسم پر ٹانکے آئے ہیں۔

چھرا مار ملزم کے شبے میں 15 افراد کو گرفتار کیا جاچکا ہے ، جنہیں تفتیش کے بعد رہا کردیا گیا، اب یہ 16 واں ملزم ہے جسے حراست میں لیا گیا لیکن اصل ملزم اب تک گرفت میں نہ آسکا۔

گلستان جوہر اور گلشن اقبال میں ایک درجن سے زائد خواتین پر تیز دھار چاقو سے حملہ کرنے والے ملزم کی گرفتاری سے متعلق اہم پیشرفت سامنے آئی، جس کے تحت ایک اہم ملزم کو گرفتار کرلیا گیا تھا۔


مزید پڑھیں : خواتین پر چاقو کے وار، اہم ملزم گرفتار، پولیس کا دعویٰ


ایڈیشنل آئی جی کراچی نے چاقو بردار شخص کے حوالے سے ایک اہم شخص کی گرفتاری کا دعوی کرتے ہوئے کہا ہے کہ ملزم کے نہایت قریب پہنچ گئے ہیں گرفتار ملزم سے تحقیقات کا عمل جاری ہے۔

خیال رہے خواتین پر چھری سے حملہ کر کے ان کو زخمی کرنے والے ملزم کی گرفتاری میں ناکامی پرپولیس نے عوام سے تعاون کی درخواست کی ہےاور انعامی رقم میں اضافہ کردیا، چھلاوے کی گرفتاری میں مدد دینے والے کو 5 کے بجائے 10 لاکھ روپے دیئے جائیں گے۔

واضح رہے کہ سنہ 2013 میں چیچہ وطنی میں اسی نوعیت کے واقعات پیش آئے تھے جب چیچہ وطنی میں وسیم ملاح نامی ایک ذہنی بیمار شخص نے 207 خواتین کو چاقو کے وار کرکے زخمی کیا تھا‘ پولیس کی جانب سے گھیرا تنگ کیے جانے پر اس نے ساہیوال کا رخ کیا اور یہاں بھی اسی نوعیت کی 36 وارداتیں کی تھیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں