The news is by your side.

Advertisement

رابطوں میں تیزی، حکومتی ٹیم اور ایم کیو ایم کے درمیان آج ایک اور ملاقات کا امکان

اسلام آباد : حکومتی ٹیم اور ایم کیو ایم کے درمیان آج ایک اور ملاقات کا امکان ہے ، جس میں حکومتی وفد وزیراعظم کےاہم پیغام کا جواب مانگے گا۔

تفصیلات ک مطابق حکومت اور اتحادیوں کے رابطوں میں تیزی آگئی ، حکومت نے ایم کیو ایم سے پھر رابطہ کیا ، جس کے بعد حکومتی کمیٹی کی ایم کیو ایم کے وفد سے ملاقات طے پاگئی۔

حکومتی ٹیم اورایم کیو ایم کے درمیان آج ایک اور ملاقات کا امکان ہے ، ملاقات حکومتی وفدکی لاہور سےواپسی پراسلام آباد میں ہو گی۔

وزیرخارجہ شاہ محمودقریشی کی سربراہی میں حکومتی وفد کنوینرایم کیوایم خالدمقبول صدیقی سے ملاقات کرے گا ، حکومتی وفد میں اسد عمر اور پرویزخٹک شامل ہوں گے۔

ملاقات میں حکومتی وفد گزشتہ روزوزیراعظم کےاہم پیغام کا جواب مانگے گا، ذرائع کا کہنا ہے کہ ایم کیو ایم وفدکی وزیر اعظم سے ملاقات کرائے جانے کا بھی امکان ہے۔

یاد رہے گذشتہ روز شاہ محمود قریشی نے اسدعمر اور پرویزخٹک کیساتھ ایم کیوایم وفد سے ملاقات کی تھی ، جس میں شاہ محمودقریشی نے وزیراعظم کا اہم پیغام ایم کیوایم وفدکو پہنچایا اور کہا تھا ملاقاتوں کاسلسلہ جاری رہے گا۔

Comments

یہ بھی پڑھیں