تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

اسکول فائرنگ کا ایک اور واقعہ، دو امریکی طلبہ ہلاک

کیلی فورنیا: امریکا میں اسکول فائرنگ کا ایک اور واقعہ رونما ہوا ہے، جس میں 2 طالب علم ہلاک ہو گئے ہیں۔

تفصیلات کے مطابق امریکی ریاست کیلی فورنیا میں اسکول میں فائرنگ کے ایک اور واقعے میں دو طلبہ ہلاک جب کہ متعدد زخمی ہو گئے ہیں، فائرنگ کرنے والے حملہ آور نے بھی خود کشی کی کوشش کی۔

پولیس حکام کا کہنا ہے کہ فائرنگ کرنے والے طالب علم کی حالت تشویش ناک ہے، اس نے دو طلبہ کو مارنے کے بعد اپنے سر میں بھی گولی مار دی تھی، واقعے کی تحقیقات بھی شروع کر دی گئی ہیں، یہ واقعہ کیلی فورنیا کے علاقے سینٹا کلیریٹا کے اسکول میں پیش آیا۔ ہلاک ہونے والوں میں 16 سال کی طالبہ اور 14 سال کا طالب علم شامل ہیں۔

گزشتہ روز بھی امریکی ریاست جنوبی کیلی فورنیا کے ہائی اسکول میں مسلح افراد نے اندھا دھند فائرنگ کردی تھی، جس کے نتیجے میں ایک خاتون ہلاک اور 6 افراد زخمی ہو گئے تھے، پولیس نے کئی گھنٹوں کی کوشش کے بعد ایک ملزم کو زخمی حالت میں گرفتار کر لیا تھا۔

یہ بھی پڑھیں:  کیلی فورنیا، ہائی اسکول میں فائرنگ، خاتون ہلاک، 6 افراد زخمی، حملہ آور گرفتار

اس واقعے میں کئی حملہ آوروں نے متعدد طلبہ کو یرغمال بنا لیا تھا، پولیس نے اسکول کو گھیرے میں لے کر حملہ آوروں سے مذاکرات بھی کیے، پولیس کا کہنا تھا کہ حملہ آور ایشیائی نژاد تھے۔

ساگس ہائی اسکول میں فائرنگ کے اس واقعے نے امریکی اسکولوں میں اسی طرح کے دیگر واقعات کی یاد دلا دی ہے، پارک لینڈ فلوریڈا کے ایک ہائی اسکول میں سابق طالب علم نے 14 فروری 2018 کو فائرنگ کر کے 17 طلبہ کو جان سے مار دیا تھا۔

Comments

- Advertisement -