The news is by your side.

Advertisement

پاکستان کی سفارتی محاذ پر ایک اور کامیابی، بھارت کو شرمندگی کا سامنا

اسلام آباد: پاکستان کو سفارتی محاذ پر ایک اور کامیابی حاصل ہوگئی، اقوام متحدہ کی سلامتی کونسل میں بھارت کو شرمندگی کا سامنا کرنا پڑا۔

تفصیلات کے مطابق سفارتی ذرائع کا کہنا ہے کہ پلوامہ حملے پر سلامتی کونسل کے اعلامیے میں پاکستان کا نام شامل کرنے کی بھارتی کوشش ناکام ہوگئی۔

پلوامہ واقعہ پر بھارتی الزام تراشیاں اور کئی ممالک کو بریفنگز بھی کچھ کام نہ آئی، بھارتی کوششوں کے باوجود سلامتی کونسل کے اعلامیے میں پاکستان کا کوئی ذکر نہیں کیا گیا۔

بھارت کے ثبوت کے بجائے الزامات کی پالیسی کو سلامتی کونسل نے رد کردیا۔

پاکستانی سفارتی ذرائع کے مطابق پلوامہ حملے کے بعد پاکستان نے بھی مختلف ممالک کے سفیروں کو اپنے مؤقف سے آگاہ کیا تھا۔

خیال رہے گزشتہ روز قومی سلامتی کمیٹی کے اہم اجلاس میں وزیرِ اعظم عمران خان نے بھارتی محاذ آرائی پر مسلح افواج کو منہ توڑ جواب دینے کا اختیار دے دیا ہے۔

ڈی جی آئی ایس پی آر آج اہم پریس کانفرنس کریں گے

قومی سلامتی کمیٹی کے اجلاس میں اہم فیصلے کیے گئے، بھارت کو مذاکرات کی دعوت دی گئی، پلوامہ حملے کی تحقیقات میں تعاون کی ایک بار پھر پیش کش کی گئی۔

وزیرِ اعظم نے واضح کیا کہ ریاست اپنےعوام کا تحفظ یقینی بنائے گی، انھوں نے بھارتی الزامات مسترد کرتے ہوئے کہا کہ پلوامہ حملے کا منصوبہ مقامی سطح پر تیار کیا گیا۔

Comments

comments

یہ بھی پڑھیں