لاہور: 9 مئی کو جناح ہاؤس لاہور میں توڑ پھوڑ کرنے والے میں ملوث ملزم کے اعترافی بیان کی ایک اور ویڈیو سامنے آگئی۔
تفصیلات کے مطابق ملزم نعمان شاہ 9 مئی کو جناح ہاؤس گیا، جلاؤ گھیراؤ میں حصہ لیا اور ویڈیو بنائی، سوشل میڈیا پر سانے آنے والی ویڈیو میں دیکھا جاسکتا ہے کہ ملزم جناح ہاؤس پر حملے کے دوران ساتھی شرپسندوں کو اکساتا رہا۔
پی ٹی آئی رہنما نعمان شاہ کی 9 مئی جناح ہاؤس سے سامنے آنے والی ویڈیو میں کہہ رہے ہیں کہ یہ دیکھیں کورکمانڈر ہاؤس کو آگ لگا دی ہے۔
نعمان شاہ نے اعترافی بیان میں کہاکہ یہ سب کچھ میں نے پی ٹی آئی قیادت کے بہکاوے میں آکرکیا، میں نے فوج کے خلاف نازیبا زبان بھی استعمال کی، میں اس پر شرمندہ ہوں اور معافی کا طلبگار ہوں۔
واضح رہے کہ رپورٹ کے مطابق نعمان شاہ صدرکینٹ لاہور کا رہائشی اور وارڈ نمبر 2 کا سینئر نائب صدر ہے۔