تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

پنجاب میں کورونا کی دوسری لہر آنے کا خدشہ

لاہور : محکمہ پرائمری اینڈسیکنڈری ہیلتھ کئیر نے پنجاب میں کورونا کی دوسری لہر آنے کا خدشہ ظاہر کردیا ہے اور کہا بازاروں،مارکیٹوں،تفریحی مقامات پر اوپیز پر عمل نہ کرنا افسوسناک ہے۔

تفصیلات کے مطابق پنجاب میں کوروناوائرس ایک بارپھرپھیلنے کا خطرہ منڈلانے لگا، محکمہ پرائمری اینڈسیکنڈری ہیلتھ کئیرنے خطرےکی گھنٹی بجادی اور کہا عوام کی غیر سنجیدگی نے کوروناوائرس دوبارہ پھیلنے کے خطرات بڑھا دئیے۔

محکمہ پرائمری اینڈسیکنڈری ہیلتھ کئیر نے ڈویژنل کمشنرز اور آرپی اوز کے نام خط لکھا ، جس میں کہا گیا مارکیٹوں، بازاروں ، شاپنگ مالزمیں کوروناایس اوپیز پر عمل نہیں کیاجارہا، عوام کی غیر سنجیدگی کے باعث کورونا کی دوسری لہر آنے کا خدشہ ہے۔

خط میں کہا گیا کہ بازاروں،مارکیٹوں،تفریحی مقامات پرعوامی غیرسنجیدگی افسوسناک ہے۔

خیال رہے صوبہ پنجاب میں گزشتہ 24 گھنٹوں کے دوران کرونا وائرس کے 210 نئے کیسز رپورٹ ہوئے جبکہ کرونا وائرس سے کوئی موت نہیں ہوئی، صوبے میں کرونا وائرس سے اب تک ہونے والی مجموعی اموات کی تعداد 2 ہزار 180 ہے۔

ترجمان کا کہنا تھا کہ اب تک 8 لاکھ 16 ہزار 126 ٹیسٹ کیے جاچکے ہیں، صوبے میں کرونا وائرس سے صحتیاب افراد کی تعداد 86 ہزار 424 ہوچکی ہے۔

ترجمان نے عوام سے گزارش کی کہ حفاظتی تدابیر اختیار کر کے خود کو محفوظ بنائیں اور کرونا وائرس کی علامات ظاہر ہونے پر فوراً 1033 پر رابطہ کریں۔

Comments

- Advertisement -
حسن حفیظ
حسن حفیظ
حسن حفیظ ایک نوجوان صحافی ہیں اور اے آر وائی نیوز لاہور کے لئے صحت، تعلیم اور ایوی ایشن سے متعلق خبریں رپورٹ کرتے ہیں