The news is by your side.

Advertisement

کراچی ضمنی انتخابات: اے این پی کا جے یو آئی (ف) کی حمایت کا اعلان

کراچی: صوبائی اسمبلی حلقہ پی ایس 117 کے ضمنی انتخابات میں عوامی نیشنل پارٹی نے جمعیت علماء اسلام (ف) کے امیدوار کی حمایت کا اعلان کردیا ہے۔

تفصیلات کے مطابق کراچی میں اے این پی سندھ کے صدرسینیٹر شاہی سید سے مردان ہاؤس جے یو آئی کے مرکزی رہنماء قاری عثمان نے ملاقات کی۔

اس موقع پر شاہی سید نے میڈیا سے بات کرتے ہوئے ضمنی انتخابات میں جمیعت علمائے اسلام کے امیدوار کی حمایت کا اعلان کیا اور امیدوار پر بھرپور اعتماد کا اظہار کیا۔

دوسری جانب جے یو آئی کے رہنماء قاری عثمان نے میڈیا سے بات کرتے ہوئے کہا کہ’’ہم اے این پی کی جانب سے امیدوار کی حمایت پر سینیٹر شاہی سید  کا شکریہ ادا کرتے ہیں۔

انہوں نے مزید کہا کہ صوبائی اسمبلی سندھ کی نشست پی ایس 117 کی نشست پر دونوں جماعتوں کی جانب سے ایک ہی مشترکہ امیدوار نامزد کیا جارہا ہے۔

قاری عثمان نے مزید بتایا کہ ضمنی انتخابات کے حوالے سے پیپلزپارٹی کے رہنماؤں نجمی عالم اور راشد ربانی سے بھی ملاقاتیں کی گئی ہیں۔

ملاقات میں تین جماعتی اتحاد اور مل کر انتخابات لڑنے کے حوالے سے بات کی گئی تاہم پیپلزپارٹی نے اس حوالے سے ایک دن کی مہلت مانگی ہے۔

 

Comments

comments

یہ بھی پڑھیں