The news is by your side.

Advertisement

بھارت درندگی کے باعث پوری دنیا میں بدنامی کے باوجود ہٹ دھرمی پر قائم ہے، انصرمجید خان

لاہور: صوبائی وزیر محنت وانسانی وسائل انصرمجید خان کا کہنا ہے کہ مودی سرکار کو ہمیشہ قاتل سرکار کے طور پر یاد رکھا جائے گا۔

تفصیلات کے مطابق صوبائی وزیر محنت وانسانی وسائل انصرمجید خان نے کہا ہے کہ بھارت درندگی کے باعث پوری دنیا میں بدنامی کے باوجود ہٹ دھرمی پر قائم ہے۔

انہوں نے کہا کہ کشمیری عوام بھارتی ظلم کی زنجیریں توڑ کر اپنے فیصلے خود کرنے کو تیار ہیں۔

انصرمجید خان نے کہا کہ وزیراعظم عمران خان اقوام متحدہ کے اجلاس میں پوری دنیا کو بھارتی ظلم و ستم بارے آگاہ کریں گے۔ انہوں نے کہا کہ پاکستان ہر فورم پر بھارتی ریاستی دہشت گردی اور انتہاپسندی کی پُرزور مذمت کرتا ہے۔

صوبائی وزیر نے کہا کہ مودی سرکار کو ہمیشہ قاتل سرکار کے طور پر یاد رکھا جائے گا۔ انہوں نے کہا کہ بھارت نے کشمیریوں پر گولیوں کی برسات کرکے تحریک آزادی کشمیر کا حق چھیننے کی ناکام کوشش ہے۔

انصر مجید خان نے کہا کہ مقبوضہ کشمیر میں بے گناہ مسلمانوں کے خون بہنے پر ہرپاکستانی کی آنکھ اشکبار ہے۔

یاد رہے کہ پانچ اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کردیا تھا۔

راجیہ سبھا میں بل کے حق میں 125 جبکہ مخالفت میں 61 ووٹ آئے تھے، بھارت نے 6 اگست کو لوک سبھا سے بھی دونوں بل بھاری اکثریت کے ساتھ منظور کرالیے تھے۔

Comments

comments

یہ بھی پڑھیں