The news is by your side.

Advertisement

کیا اپوزیشن تصادم کی طرف جا رہی ہے؟

اسلام آباد: جمعیت علمائے اسلام کی انصار الاسلام فورس کے کارکن اراکین اسمبلی کی سیکیورٹی کے دعوے کے ساتھ پارلیمنٹ لاجز میں داخل ہو گئے ہیں۔

تفصیلات کے مطابق جے یو آئی انصار الاسلام فورس نے اراکین اسمبلی کی سیکیورٹی سنبھالنے کی ریہرسل شروع کر دی ہے، جس سے یہ سوال اٹھا ہے کہ کیا اپوزیشن تصادم کی طرف جا رہی ہے؟

پارلیمنٹ میں مولانا فضل الرحمان کی ہدایت پر اراکین کی سیکیورٹی سنبھالی جائے گی، اس سلسلے میں انصار الاسلام کے رضا کار پارلیمنٹ لاجز میں داخل ہو چکے ہیں، اور گشت بھی شروع کر دیا ہے۔

انصار الاسلام کے ایک رضاکار نے بتایا کہ اس بات کا خدشہ ہے کہ ایم این ایز کو اغوا کر کے انھیں حبس بے جا میں رکھا جا سکتا ہے۔

رضاکاروں کا کہنا ہے کہ عمران خان کی حکومت ہے تو امکان ہے کہ ادارے بھی ان کے ساتھ اس سلسلے میں تعاون کریں، اسی خدشے کے پیش نظر ہم ایم این ایز کو تحفظ دینے آئے ہیں۔

Comments

یہ بھی پڑھیں