The news is by your side.

Advertisement

‘اومیکرون ہر شخص تک پہنچے گا’

واشنگٹن: امریکی ماہر وبائی امراض انتھونی فاؤچی کا کہنا ہے کہ کرونا وائرس کو مکمل طور پر ختم کرنا مکمن نہیں ہے۔

تفصیلات کے مطابق امریکی صدر جو بائیڈن کے چیف میڈیکل ایڈوائزر نے کہا ہے کہ اومیکرون ویرینٹ منتقلی کی غیر معمولی صلاحیت کے ساتھ ہر شخص تک پہنچے گا۔

خبر رساں ادارے اے ایف پی کے مطابق منگل کو امریکی سینٹر فار اسٹریٹیجک اینڈ انٹرنیشنل اسٹڈیز میں بات کرتے ہوئے ڈاکٹر انتھونی فاؤچی نے کہا اس وائرس کو ختم کرنے کا کوئی طریقہ نہیں ہے، کیوں کہ یہ تیزی سے پھیلتا ہے اور اس میں نیا ویرینٹ بننے کی صلاحیت ہے۔

انھوں نے کہا اومیکرون میں اتار چڑھاؤ کے ساتھ ملک ممکنہ طور پر ایک نئے مرحلے میں داخل ہوگا، امید ہے کہ آبادی میں اس کے خلاف تحفظ ممکن ہوگا اور ادویات موجود ہوں گی، تاکہ اگر کسی کو وائرس لگ بھی جائے اور وہ شدید خطرے سے دوچار ہوں تو بھی علاج کرنا آسان ہو۔

اومیکرون سب کے گھروں‌ پر دستک دینے والا ہے: بل گیٹس کی پیشگوئی

فاؤچی کا کہنا تھا شاید ہم اس مرحلے میں داخل ہو گئے ہیں جہاں وبا کے حوالے سے ہم تبدیلی کے دہانے پر خود کو کھڑا پائیں۔

Comments

یہ بھی پڑھیں