استنبول : دنیا بھر میں پیدا ہونے والی کورونا وائرس کی تبدیل شدہ صورتحال نے سائنسدانوں کو تشویش میں مبتلا کردیا ہے تاہم ترک سائنسدانوں نے دعویٰ کیا ہے کہ ہماری تیار کردہ کورونا ویکسین زیادہ محفوظ اور مؤثر ہے۔
یہ بات ترکی کے سائنس و ٹیکنالوجی تحقیقی ادارے ٹوبیٹاک کے سربراہ حسن ماندال نے استنبول میں ایک تقریب سے خطاب کرتے ہوئے کہی۔
صدارتی سوشل کمپلیکس میں ٹوبیٹاک اور ترک سائنس اکیڈمی ٹوبا کی سائنسی ایوارڈ تقریب سے خطاب کرتے ہوئے حسن ماندال نے ترک سائنس دانوں کی تیار کردہ مقامی ویکسین کو کورونا وائرس کے مقابل زیادہ محفوظ اور مؤثر قرار دیا۔
اپنے خطاب میں انہوں نے مقامی کورونا وائرس ویکسین کے بارے میں اظہار خیال کرتے ہوئے کہا کہ یہ ویکسینیں بیرونی ممالک کی دیگر ویکسینوں سے مشابہہ نہیں ہے بلکہ ہماری ویکسین بیرونی ممالک کی ویکسینوں کے مقابلے میں زیادہ مؤثر اور زیادہ محفوظ ثابت ہوگی۔
