The news is by your side.

Advertisement

بلاول بھٹو ویلفیئر اسکیم کیخلاف کام کرنے والا افسر عہدے سے برطرف

کراچی : بلاول بھٹو ویلفیئر کے نام سے اسکیم کیخلاف کام کرنے والے افسر کو عہدے سے ہٹادیا گیا، فاروق بگٹی کو لینڈ مافیا کے خلاف کارروائیاں کرنے پر ہٹایا گیا۔

تفصیلات کے مطابق بلاول بھٹو ویلفیئر کے نام سے فراڈ کرنے والے ملزم ظفر جھنڈیر کیخلاف کارروائی کرنے کی پاداش میں اینٹی کرپشن افسر کو عہدے سے برطرف کردیا گیا۔

اس حوالے سے ذرائع کا کہنا ہے کہ فاروق بگٹی کو لینڈ مافیا کیخلاف کارروائیاں کرنے پرہٹایا گیا ہے، قبل ازیں اینٹی کرپشن نے فراڈ اسکیم کی شکایت پر ظفر جھنڈیر کیخلاف کارروائی کی تھی۔

مذکورہ کارروائی حکام بالا کی ہدایت پر کی گئی تھی، بلاول بھٹوّ ویلفیئر فراڈ اسکیم کے نام سے جعلی ہاؤسنگ اسکیم بنائی گئی تھی۔

ملزم ظفر جھنڈیر کے دفتر سے جعلی عسکری ہاؤسنگ اور نیا پاکستان ہاؤسنگ اسکیم کے بروشر بھی ملے، یونیورسٹی روڈ پر قائم دفترسے اہم ریکارڈ بھی قبضے میں لیا گیا تھا جس مقام پر اسکیم متعارف کرائی گئی وہ جگہ سرکارکی ملکیت تھی، ظفرجھنڈیر64افراد کوپلاٹ فروخت کرچکا تھا۔

بعد ازاں عدالت نے اینٹی کرپشن کا دائرہ کار ثابت نہ ہونے پر ملزم کو بری کردیا، اس حوالے سے اسسٹنٹ ڈائریکٹر فاروق بگٹی نے ایڈیشنل ڈائریکٹر نیب کو خط لکھ دیا، نیب کو بڑے پیمانے پر ہونے والے اس فراڈ سے آگاہ کیا اور تفصیلی رپورٹ ارسال کردی۔

اینٹی کرپشن حکام نے نیب کو خط لکھنے کی پاداش میں فاروق بگٹی کو عہدے سے ہٹا دیا، مبینہ قبضہ مافیا کی جانب سے اینٹی کرپشن پر سخت دباؤ ڈالا گیا، بااثرافراد کی جانب سے اینٹی کرپشن حکام کو فاروق بگٹی کو ہٹانےکا بھی کہا گیا۔

Comments

comments

یہ بھی پڑھیں