The news is by your side.

Advertisement

کراچی : تجاوزات کےخلاف آپریشن کا26واں روز، غیرقانونی تجاوزات مسمار

کراچی : شہر قائد میں تجاوزات کے خلاف آپریشن دن رات جاری ہے، بولٹن مارکیٹ، بمبئی مارکیٹ، سنار بازار سمیت کئی علاقوں میں محکمہ انسداد تجاوزات نے کارروائیاں کیں، کلفٹن اور ناظم آبادسمیت ملیر میں بھی غیرقانونی تجاوزات مسمار کردی گئیں۔

کراچی میں تجاوزات کےخلاف تابڑتوڑ آپریشن چھبیسویں روز بھی جاری رہا، بلدیہ عظمیٰ کراچی کے عملے نے اولڈ سٹی ایریا میں کارروائیاں کیں، بولٹن مارکیٹ، کاغذی بازار، بمبئی گلی اورسنار بازار میں تجاوزات اور سن شیڈزتوڑ دیئے گئے۔

ناظم آباد میں پارک کی حدود میں شامل شادی لانوں کے خلاف سخت ایکشن لیا گیا۔ ضلع ملیر میں بھی تجاوزات مافیا کی شامت آگئی، بن قاسم ٹاؤن میں گلشن حدید سے تجاوزات کا خاتمہ کیا جارہا ہے۔

سپریم کورٹ کے احکامات پر اس آپریشن کو مکمل کرنے کے لئے پندرہ دن کا وقت مقرر کیا گیا تھا تاہم میونسپل کمشنر بلدیہ عظمی کراچی ڈاکٹر سیف الرحمن کے مطابق لاکھوں ٹن ملبہ دیکھ کراندازہ ہو رہا ہے کہ آب ان آپریشن کو مکمل کرنے کی حتمی تاریخ نہیں دی جاسکتی۔

آس وقت آپریشن کا دوسرا مرحلہ جاری ہے جس کے رہائشی علاقوں کی قبضہ شدہ بانڈری وال کو مکمل مسمار کیا جائے گا۔

محکمہ انسداد تجاوزات کے شیڈول کے مطابق یکم دسمبر سے گڈاپ ٹاؤن، تین دسمبر کو ائیر پورٹ کے اطراف ، چار دسمبر کو ابراہیم حیدری،پانچ دسمبر کو بھی ابراہیم حیدری، بھینس کالونی میں تجاوزات کے خلاف آپریشن کیا جائے گا۔

Comments

comments

یہ بھی پڑھیں