اسلام آباد: حکومت مخالف لانگ مارچ کے لئے کیا حکمت عملی اپنائی جائے؟ کپتان عمران خان نے پلان فائنل کرلیا ہے۔
تفصیلات کے مطابق تحریک انصاف نے پندرہ لاکھ افراد کو اسلام آباد لانے کا پلان ترتیب دیا ہے، کے پی سےپانچ لاکھ پنجاب،سندھ سےچھ لاکھ مظاہرین مارچ میں شریک ہونگے جبکہ کشمیر ،گلگت بلتستان سے ایک لاکھ مظاہرین اسلام آباد کی جانب رخ کرینگے۔
ذرائع کا کہنا ہے کہ عمران خان نے حکومتی ہتھکنڈوں سے نمٹنے سمیت گرفتاریوں سےبچنےکی منصوبہ بندی مکمل کرلی ہے، چیئرمین پی ٹی آئی نے اپنا پیغام پارٹی کی ہر سطح کی قیادت تک پہنچا دیا ہے۔
یہ بھی پڑھیں:"پاکستان کو بچانا ہے تو فوری الیکشن کرانے ہونگے”
ذرائع کے مطابق پارٹی رہنماؤں کو ہدایت جاری کردی گئیں ہیں کہ گرفتاری سے بچا جائے، گرفتاریوں کی صورت میں بیک اپ پلان پر عملدرآمد ہو گا، بیک اپ پلان پر عملدرآمد پارٹی کی ہر سطح کی لیڈر شپ کرےگی۔
بتایا گیا ہے کہ مرکزی قائدین کی گرفتاری پر متبادل قیادت کارکنان کو گائیڈ لائنز دے گی، مارچ میں شرکت سے روکنے کے لئے کارکنوں کی جبری گرفتاریوں کے خلاف شدید احتجاج کی کال دی جائیگی اور کارکنان کی فوری قانونی معاونت کیلئے انصاف لائرزفورم کو متحرک رکھا جائیگا۔