تازہ ترین

یہ لوگ مینار پاکستان جلسے کو ناکام بنانا چاہتے ہیں، عمران خان

لاہور : تحریک انصاف کے چیئرمین عمران خان کا...

میرا دل کہہ رہا ہے یہ جلسہ تمام ریکارڈ توڑ دے گا، عمران خان

لاہور : پاکستان تحریک انصاف کے چیئرمین عمران خان...

’اب کوئی راستہ نہیں بچا، ساری امیدیں سپریم کورٹ سے ہیں‘

سابق وزیر اعظم اور چیئرمین پی ٹی آئی عمران...

صدر مملکت نے الیکشن کے حوالے سے وزیر اعظم کو خط لکھ دیا

اسلام آباد: صدر مملکت ڈاکٹر عارف علوی نے وزیر...

پشاور: انسداد پولیو مہم کےخلاف پروپیگنڈا کرنے والے سات اسکول بند کردیئے گئے

پشاور : خیبرپختونخوا میں انسداد پولیو مہم کےخلاف پروپیگنڈا کرنے والوں کے خلاف ایکشن لے لیا گیا، انتظامیہ نے سات نجی اسکول سیل کردیئے۔

تفصیلات کے مطابق وزیر اعظم کے فوکل پرسن برائے انسداد پولیو مہم بابر عطا نے کہا ہے کہ پشاور میں انسداد پولیو مہم کے خلاف سازش کرنے والوں کے خلاف ایکشن لے لیا گیا ہے۔

انسداد پولیو مہم کے خلاف نفرت پھیلائی گئی والدین کو تشدد پر اکسایا گیا، اس حوالے سے سماجی رابطے کی ویب سائٹ ٹوئٹر پر اپنے پیغام میں انہوں نے کہا کہ پروپگینڈا کرنے والوں کے خلاف ایکشن لیتے ہوئے سات نجی اسکول سیل کردیےگئے ہیں.

سیل کیے گئے اسکولوں کی انتظامیہ لوگوں کو انسداد پولیو مہم کے خلاف بھڑکانے میں ملوث نکلی، ان افواہوں کی وجہ سے خیبرپختونخوا میں پولیو ٹیم پر حملے ہوئے۔

انہوں نے کہا کہ پشاور کے علاقے ماشو خیل میں پولیو مہم کے خلاف سازش نذر گل نامی شخص نے کی تھی، مذکورہ شخص حیات آباد میڈیکل کمپلیکس میں اسکول کے بچوں سے ڈرامے کراتا رہا۔

صحت مند بچوں کو بیڈ پر لٹا کر بےہوش ہونے کی ایکٹنگ بھی کروائی گئی، پروپگینڈے کا شکار ہوکر کچھ لوگوں نے بڈھ بیر میں مرکز صحت کو بھی آگ لگادی تھی، نجی اسکولوں کے خلاف کارروائی نجی اسکول ریگولیٹری اتھارٹی اور ضلعی انتظامیہ نے مل کر کی۔

مزید پڑھیں: پشاور میں انسدادپولیومہم کےخلاف سازش، تحقیقات کیلئے 6 رکنی کمیٹی قائم

یاد رہے کہ گزشتہ ماہ پشاور میں پولیو ویکسی نیشن سے بچوں کی حالت غیر ہونے کی افواہوں نے کھلبلی مچادی تھی، جس کے بعد مشتعل افراد نے سرکاری مرکز صحت ماشوخیل پر دھاوا بول دیا تھا۔

ناقص ویکسین فلاپ ڈرامے کا ڈراپ سین سوشل میڈیا پر وائرل ہوگیا، جس میں دیکھا جاسکتا ہے کہ ایک شخص بچوں کو زبردستی بستر پر لٹا کر بے ہوشی کاڈرامہ رچا رہا ہے لیکن بچے تندرست دکھائی دے رہے تھے۔ بعد ازاں پشاور میں پولیس نے بچوں سے بےہوشی کا ڈرامہ کرانے والے ملزم کو گرفتار کرلیا تھا۔

Comments