The news is by your side.

Advertisement

انسداد پولیو ورکرز بچوں کو ہاتھ لگائے بغیر قطرے پلائیں گے، تیمور سلیم جھگڑا

پشاور: وزیر صحت خیبرپختونخوا تیمور سلیم جھگڑا نے کہا ہے کہ انسداد پولیو ورکرز بچوں کو ہاتھ لگائے بغیر قطرے پلائیں گے۔

تفصیلات کے مطابق وزیر صحت خیبرپختونخوا تیمور سلیم جھگڑا نے کہا کہ کرونا وبا کے بعد پہلی بار انسداد پولیو مہم کا آغاز کر رہے ہیں، ایس او پیز کے مطابق پولیو مہم کا آغاز کر رہے ہیں۔انہوں نے بتایا کہ انسداد پولیو ورکرز بچوں کو ہاتھ لگائے بغیر قطرے پلائیں گے۔

وزیر صحت پنجاب کا کہنا تھا کہ جنوبی وزیرستان میں مہم کا آغاز کرنے جا رہے ہیں، 3 روزہ مہم میں 78 ہزار بچوں کو حفاظتی قطرے پلائے جائیں گے، مہم کے لیے609 ٹیمیں تشکیل دی گئی ہیں۔انہوں نے کہا کہ انسداد پولیو ورکرز کو ماسک، سینیٹائزر اور حفاظتی سامان فراہم کر دیا ہے۔

تیمور سلیم جھگڑا نے کہا کہ پولیو مہم کے لیے 594 موبائل اور 15 فکسڈ ٹیمیں تشکیل دی گئیں،انسداد پولیو ورکرز کی سیکیورٹی کے خاطر خواہ انتظامات کیے ہیں۔انہوں نے بتایا کہ جنوبی وزیرستان سے 2 پولیو کیس رپورٹ ہوئے ہیں۔

Comments

یہ بھی پڑھیں