لاہور: انسداددہشت گردی عدالت نے شیرپاؤ پل کیس کا فیصلہ سنا دیا، انسداددہشت گردی عدالت نے شاہ محمود قریشی کو بری کردیا ہے۔
اے آر وائی نیوز کے مطابق 9 مئی جلاؤ گھیراؤ شیر پاؤ پل کیس میں انسداددہشت گردی عدالت نے پاکستان تحریک انصاف کے مرکزی رہنما شاہ محمود قریشی کو بری کردیا ہے۔
اے ٹی سی نے 9 مئی جلاؤ گھیراؤ شیرپاؤ پل کیس کا فیصلہ سنایا، عدالت نے حمزہ عظیم سمیت 5 ملزمان کو بری کرنے کا حکم دیا ہے۔
شاہ محمود قریشی دل میں تکلیف کے باعث جیل سے پی آئی سی منتقل
تاہم انسداد دہشت گردی عدالت نے یاسمین راشد، میاں محمودالرشید اور اعجازچوہدری کو 10،10 سال قید کی سزا سنادی ہے۔
اس کے علاوہ علی حسن، افضال عظیم پاہٹ، عمر سرفراز، خالد قیوم اور ریاض حسین کو بھی 10،10 سال قید کی سزا سنائی گئی ہے۔
عابد خان اے آروائی نیوز سے وابستہ صحافی ہیں اور عدالتوں سے متعلق رپورٹنگ میں مہارت کے حامل ہیں