The news is by your side.

Advertisement

کراچی، سولجر بازار میں مندر کی کھدائی کے دوران قدیم مورتیاں‌ برآمد

کراچی: شہر قائد کے علاقے سولجر بازار میں مندر کی کھدائی کے دوران مورتیاں نکل آئیں۔

تفصیلات کے مطابق کراچی کے علاقے سولجر بازار میں شری پنچ مکھی ہنومان مندر سے کھدائی کے دوران مورتیاں برآمد ہوئی ہیں، مندر کے پنڈت نے دعویٰ کیا ہے کہ ہنومان اور گنیش کی مورتی پندرہ سو سال پرانی ہے۔

مورتیوں سے متعلق محکمہ آثار قدیمہ کی جانب سے فی الحال کوئی تصدیق نہیں کی گئی ہے۔

پنڈت مہاراج رام ناتھ کا کہنا ہے کہ مندر پر قبضے کے خاتمے کے بعد تزئین و آرائش کے لیے کھدائی کی جارہی تھی۔

مندر کی کھدائی کے دوران نکلنے والی مورتیوں کو ہندو برادری کی جانب سے پوجا جارہا ہے لیکن یہ مورتیاں کتنی قدیم ہیں اس متعلق محکمہ آثار قدیمہ کی جانب کے کوئی بیان جاری نہیں کیا گیا ہے۔

واضح رہے کہ رواں سال فروری میں خیبرپختونخوا پولیس نے بروقت کارروائی کرتے ہوئے سینکڑوں سال قدیم مورتی کی اسمگلنگ ناکام بنادی تھی اور ایک ملزم کو گرفتار کرلیا گیا تھا۔

محکمہ آثارِ قدیمہ پشاور کا کہنا تھا کہ یہ نوادرات جن میں سب سے زیادہ اہمیت کی حامل مورتی ہے، بٹ خیلہ سے چرائے گئے تھے اور انہیں ملک سے باہر اسمگل کرنے کی کوشش کی جارہی تھی۔

محکمہ آثارِ قدیمہ نے یہ بھی بتایا تھا کہ یہ مورتی 800 سال قدیم ہے اور بین الاقوامی مارکیٹ میں اس کی قیمت کروڑوں روپے میں بنتی ہے۔

Comments

comments

یہ بھی پڑھیں