The news is by your side.

Advertisement

انوراگ ٹھاکر بی سی سی آئی کے کم عمرترین صدر بن گئے

ممبئی: انوراگ ٹھاکر بھارتی کرکٹ بورڈ کے اجلاس میں متفقہ طور پر بی سی سی آئی کے صدر منتخب ہوگئے.

تفصیلات کے مطابق ممبئی میں بھارتی کرکٹ بورڈ کے اجلاس میں 41سالہ انوراگ ٹھاکرکم عمر ترین بی سی سی آئی کے متفقہ طور پر صدر منتخب کر لیے گئے.

بھارتی کرکٹ بورڈ کے سابق صدر ششانک منوہر کےجانےکےبعد انوراگ ٹھاکر کو بھارتی کرکٹ بورڈ کا صدر منتخب کیا گیا.

گذشتہ سال انوراگ ٹھاکر بھارتی کرکٹ بورڈ کے الیکشن میں سیکرٹری منتخب ہوئے تھے،جب جگموہن ڈالمیا بی سی سی آئی کے صدر بنے تھے ان کی موت کے بعد ششانک منوہر دوسری بار صدر بنے تھے.

اس سے قبل انوراگ ٹھاکر کو بھارت کی چھ کرکٹ اسوسی ایشنز کی حمایت حاصل تھی جس میں بنگال کرکٹ اسوسی ایشن ،نیشنل کرکٹ کلب اڑیسا، تری پورااسوسی ایشن ،آسام کرکٹ اسوسی ایشن ،جھارکنڈ کرکٹ اسوسی ایشن شامل تھیں.

انوراگ ٹھاکر کی جگہ بھارتی کرکٹ بورڈ میں اجے شرکے نئے سیکرٹری ہوں گے.

واضح رہے کہ ششانک منوہر کے رواں ماہ بھارتی کرکٹ بورڈ سے جانے کے بعد کرکٹ بورڈ کے صدر کی سیٹ خالی تھی.

Comments

comments

یہ بھی پڑھیں