ممبئی: بالی وڈ کی اداکارہ انوشکا شرما موٹرسائیکل پر لفٹ لے کر جارہی ہیں جس کی ویڈیو سوشل میڈیا پر وائرل ہوگئی۔
وائرل ہونے والی ویڈیو پر بھارتی کئی صارفین نے ممبئی پولیس کو ٹیگ کردیا، جس کے بعد انوشکا شرما مصیبت میں پڑ گئیں۔
ویڈیو وائرل ہوئی تو متعدد صارفین نے اداکاروں کو ‘ہیلمٹ’ نہ پہننے پر تنقید کا نشانہ بنایا اور ممبئی پولیس سے شکایت کی۔
#AnushkaSharma ditches the car and takes a bike ride to travel in the city! pic.twitter.com/jUwiCsyhbJ
— Pinkvilla (@pinkvilla) May 15, 2023
ممبئی پولیس نے ایک صارف کی ٹوئٹ پر جواب دیا کہ ‘ہم نے اس معاملے کو ٹریفک برانچ کے ساتھ شیئر کردیا ہے’۔
We have shared this with traffic branch. @MTPHereToHelp
— मुंबई पोलीस – Mumbai Police (@MumbaiPolice) May 15, 2023
ممبئی پولیس نے صارفین سے کہا کہ ’ ہم آپ سے درخواست کرتے ہیں کہ مزید کارروائی کے لیے مقام کی صحیح تفصیلات فراہم کریں‘۔
We request you to provide exact location details for further action.
— Mumbai Traffic Police (@MTPHereToHelp) May 15, 2023
یاد رہے کہ گزشتہ روز بالی وڈ کے بادشاہ امیتھابھ بچن نے انسٹاگرام پر ویڈیو شیئر کی تھی، جس میں انہوں نے بتایا تھا کہ ٹریفک کے باعث کام کے مقام پر وقت پر پہنچنے کے لیے انہوں نے ایک فین سے لفٹ لیا۔
تاہم امیتابھ بچن اور انوشکا شرما دونوں نے ہی بھارتی قوانین کی خلاف ورزی کی ہے، دونوں کو ہی بغیر ہیلمٹ کے موٹر سائیکل پر سفر کرتے ہوئے دیکھا جاسکتا ہے۔
ممبئی کی ٹریفک سے پریشان امیتابھ بچن نے فین سے لفٹ مانگ لی
سپر اسٹارز امیتابھ بچن اور انوشکا شرما کی ویڈیوز انٹرنیٹ پر وائرل ہونے کے بعد لوگوں نے پولیس سے شکایت کی کہ وہ ہیلمٹ نہیں پہنے ہوئے ہیں۔
ممبئی پولیس نے اب تک اس بات کی تصدیق نہیں کی کہ آیا مشہور شخصیات پر چالان کیا جائے گا یا نہیں۔