شادی کے بعد انوشکا بھوت بن گئیں، پہلی جھلک سامنے آگئی anushka pari
The news is by your side.

Advertisement

انوشکا بھوت بن گئیں، پہلی جھلک سامنے آگئی

ممبئی: بالی ووڈ اداکارہ انوشکا شرما کی  اپنی پروڈکشن میں بنائی جانے والی پہلی ڈراؤنی فلم پری کی پہلی جھلک سامنے آگئی۔

تفصیلات کے مطابق انوشکا شرما نے بھارتی کرکٹ ٹیم کے کپتان ویرات کوہلی سے گزشتہ برس دسمبر میں اٹلی کے شہر میلان میں شادی کی جس کے بعد وہ ہنی مون منانے کے لیے یورپ روانہ ہوئیں اور رواں دسمبر کے اختتام پر بھارت واپس لوٹیں۔

نوبیہاتا جوڑے نے وطن واپس پہنچ کر شادی کی اعزازی تقاریب منعقد کیں جن میں بھارتی وزیر اعظم نریندر مودی سمیت معروف سیاسی و شوبز شخصیات نے شرکت کر کے تقریب کو چار چاند لگائے۔

شادی کے بعد اب دونوں ویرات کوہلی اور انوشکا شرما اپنی پروفیشنل لائف میں واپس آگئے، کپتان اس وقت ساؤتھ افریقا کے خلاف سیریز کھیل رہے ہیں تو انوشکا کی شوبز مصروفیات شروع ہوگئیں۔

بالی ووڈ اداکارہ نے سماجی رابطے کی ویب سائٹ پر اپنی نئی فلم پری کی پہلی جھلک پوسٹر اور ٹریزر کی صورت میں جاری کی جس میں دیکھا جاسکتا ہے کہ انوشکا زخمی چہرے کے ساتھ کھڑی ہیں۔

ویسے تو فلم کو پری کا نام دیا گیا ہے  مگر ساتھ میں یہ بھی بتایا گیا ہے کہ دراصل یہ کوئی پری کی کہانی نہیں بلکہ اس میں انوشکا خوفناک بھوت کے کردار میں نظر آئیں گی۔

انوشکا شرما کے ذاتی پروڈکشن ہاؤس میں تیار کی جانے والی فلم ’پری‘ کی شوٹنگ کا آغاز 7 ماہ قبل ہوا تھا جس کا اداکارہ نے پوسٹر بھی جاری کیا تھا۔

ٹریزر دیکھیں

فلم پری رواں برس مارچ میں صرف دو سینیما گھروں میں نمائش کے لیے پیش کی جائے گی، سماجی رابطے کی ویب سائٹ پر پہلی جھلک سامنے آنے کے بعد انوشکا کے مداح بے چینی سے فلم کی ریلیز کے منتظر ہیں۔

واضح رہے کہ انوشکا شرما پروڈکشن کمپنی کے بینر تلے اس سے قبل بھی 2 فلمیں ’این ایچ 10‘ اور ’فلوری‘ ریلیز کی جاچکی ہیں جن کی کہانیاں بالکل منفرد تھیں اور انہوں نے ناظرین کو متاثر بھی کیا تھا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں