عمران خان کی اپیل پر دنیا بھر کے پاکستانیوں کو لبیک کہنا چاہیے: انورمقصود Dam Fund
The news is by your side.

Advertisement

عمران خان ستارے کی طرح‌ ہے، دنیا بھر کے پاکستانی اس کی اپیل پر لبیک کہیں: انورمقصود

کراچی:‌ ممتاز ڈراما نگار انور مقصود نے کہا ہے کہ عمران خان کی اپیل پر دنیا بھر کے پاکستانیوں کو لبیک کہنا چاہیے.

ان خیالات کا اظہار انھوں نے اے آر وائی نیوز کے پروگرام “سوال یہ ہے” میں‌ گفتگو کرتے ہوئے کیا.

انور مقصود کا کہنا تھا کہ میں‌ پاکستان کو گرین دیکھنا چاہتا ہوں، ڈیم بننے سے ہی پاکستان گرین ہوگا، بدقسمتی سے ماضی میں اس جانب توجہ نہیں‌ دی گئی.

ان کا کہنا تھا کہ عمران خان واحد شخصیت ہیں، جس نےکرپشن کے خلاف آوازاٹھائی. اوورسیزپاکستانیوں کے لئے ایک ہزار ڈالر 100روپے کےبرابرہیں.

انور مقصود کا کہنا تھا کہ دعا کرتا ہوں عمران خان جو کہہ رہے وہ کرکے دکھائیں اوروہ کریں گے، وہ اس وقت آسمان میں ایک چکمتےستارے کی طرح ہیں.

امید ہے تمام پاکستانی ڈیم فنڈ میں عطیات دیں گے: عمر شریف

پروگرام میں شریک معروف اداکار عمر شریف کا کہنا تھا کہ پانی کا ایک ایک قطرہ نعمت کی طرح ہے، اسے بچانے کی ضرورت ہے.

انھوں نے کہا کہ خشک سالی سے بچنے کے لئے ڈیم فنڈ میں عطیات جمع کرانے چاہییں، یہ پیسے ہم اُس ملک کو دے رہے ہیں، جس نے ہمیں جگہ اورعزت دی ہے.

انھوں نے امید ظاہر کی تمام پاکستانی ڈیم فنڈ میں عطیات دینے کے لئے آگے بڑھیں گے.

Comments

comments

یہ بھی پڑھیں