تازہ ترین

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

نیا کپتان کون؟ سفارشات چیئرمین پی سی بی کو ارسال

پاکستان کرکٹ ٹیم کا وائٹ بال میں نیا کپتان...

وفاقی حکومت نے آٹا برآمد کرنے کی اجازت دے دی

وفاقی حکومت نے برآمد کنندگان کو آٹا برآمد کرنے...

وزیراعظم شہباز شریف آج چیف جسٹس قاضی فائز عیسٰی سے اہم ملاقات کریں گے

اسلام آباد : وزیراعظم شہبازشریف اور چیف جسٹس سپریم...

فلم انڈسٹری کے نام وَر ہدایت کار انور کمال پاشا کی برسی

آج پاکستان فلم انڈسٹری کے نام ور ہدایت کار انور کمال پاشا کی برسی ہے۔ وہ 13 اکتوبر 1987ء کو وفات پاگئے تھے۔

انور کمال پاشا کا تعلق لاہور کے ایک علمی اور ادبی گھرانے سے تھا۔ ان کے والد حکیم محمد شجاع اردو کے مشہور ادیب تھے جن کی کہانیوں کو سنیما پر پیش کیا گیا۔

انور کمال پاشا نے ہدایت کار لقمان کی فلم ’’شاہدہ‘‘ کے مکالمے لکھ کر فلمی صنعت میں اپنا سفر شروع کیا اور بعد میں بطور ہدایت کار اپنے والد کے ناول ’’باپ کا گناہ‘‘ پر فلم ’’دو آنسو‘‘ بنائی۔ یہ فلم 1950ء کو ریلیز ہوئی جس میں صبیحہ، سنتوش کمار، شمیم بانو، ہمالیہ والا، شاہنواز، گلشن آرا، اجمل، علاءُ الدین اور آصف جاہ نے کردار ادا کیے تھے۔ انور کمال پاشا نے فلمی دنیا کو متعدد کام یاب فلمیں دیں جن میں غلام، قاتل، سرفروش، چن ماہی اور انار کلی کے نام سرِفہرست ہیں۔

انور کمال پاشا ایک ادیب اور اچھے مترجم بھی تھے۔ پرل ایس بک کے مشہور ناول گڈ ارتھ کو انھوں نے اردو کے قالب میں ڈھالا تھا۔

اس ہدایت کار کو فلم ’’وطن‘‘ کی کہانی پر نگار ایوارڈ دیا گیا جب کہ 1981ء میں فلم نگری کے لیے ان کی تیس سالہ خدمات پر انھیں خصوصی نگار ایوارڈ دیا گیا تھا۔

Comments

- Advertisement -