The news is by your side.

Advertisement

اے پی سی پہلے ہی ناکام ہو چکی: صمصام بخاری

لاہور: وزیر اطلاعات پنجاب صمصام بخاری کا کہنا ہے کہ اپوزیشن کی اے پی سی پہلے ہی نا کام ہو چکی ہے، ن لیگ میں تخت کے وارث کی جنگ چل رہی ہے۔

تفصیلات کے مطابق پنجاب کے وزیر اطلاعات نے اپوزیشن کی جانب سے بلائی گئی آل پارٹیز کانفرنس کو ناکام قرار دے دیا ہے، انھوں نے کہا کہ ایک اپوزیشن جماعت میں تخت کے وارث کی جنگ چل پڑی ہے۔

صمصام بخاری نے کہا کہ شہباز شریف کی خاموشی اور مریم نواز کی شعلہ بیانی سمجھ میں نہیں آ رہی ہے۔

صوبائی وزیر اطلاعات کا کہنا تھا کہ عوام کے فائدے کے لیے اپوزیشن کی تجاویز پر غور کریں گے، تنقید برائے تعمیر کا خیر مقدم کیا جائے گا۔

یہ بھی پڑھیں:  اے پی سی: فضل الرحمان کی جانب سے اپوزیشن سربراہان کو باقاعدہ دعوت دے دی گئی

صمصام بخاری نے کہا کہ پی ٹی آئی اور عمران خان کی ڈکشنری میں ڈیل کا کوئی لفظ نہیں۔ خیال رہے کہ ان دنوں قومی اسمبلی میں پابندی لگائے جانے کے بعد ملک بھر میں لفظ ’سلیکٹڈ‘ کا بھی چرچا ہے۔

ادھر اپوزیشن کی جانب سے اے پی سی کے سلسلے میں اقدامات تیز کر دیے گئے ہیں، مولانا فضل الرحمان کی جانب سے تمام اپوزیشن رہنماؤں کو باقاعدہ دعوت نامے بھی ارسال کر دیے گئے۔

بتایا گیا ہے کہ اے پی سی میں اپوزیشن اراکین کے اسمبلی سے استعفوں کا معاملہ بھی زیر غور آئے گا۔

Comments

comments

یہ بھی پڑھیں