The news is by your side.

مخصوص نشست پر مریم اورنگزیب کو وفاقی وزیر بنانے کیخلاف اپیل مسترد

مخصوص نشست پر وزیر اطلاعات و نشریات مریم اورنگزیب کو وفاقی وزیر بنانے کے خلاف انٹرا کورٹ کی اپیل مسترد کر دی گئی۔

اسلام آباد ہائی کورٹ کے جسٹس میاں گل حسن اورنگزیب اور جسٹس ثمن رفعت امتیاز نے طالب حسین نامی شخص کی درخواست پر سماعت کی۔

عدالت نے سنگل بینچ کا درخواست مسترد کرنے کا فیصلہ برقرار رکھا۔ عدالت نے درخواست گزار پر سخت برہمی کا اظہار کیا اور ریماکس دیے کہ آپ عدالت کا وقت ضائع کر رہے ہیں۔

ہائی کورٹ نے انٹرا کورٹ اپیل ناقابلِ سماعت قرار دیتے ہوئے خارج کر دی۔

یاد رہے کہ سنگل بینچ چیف جسٹس عامر فاروق نے شہری طالب حسین کی درخواست مسترد کی تھی۔ درخواست گزار نے سنگل بینچ کا فیصلہ ڈویژن میں چیلنج کیا تھا۔

Comments

یہ بھی پڑھیں