The news is by your side.

Advertisement

نواز، مریم اورصفدر کی سزا کے خلاف اپیلیں تیار، فیصلہ اسلام آباد ہائی کورٹ میں‌ چیلنج کیا جائے گا

لندن: سابق وزیر اعظم میاں نوازشریف، ان کی بیٹی مریم نواز اور داماد کیپٹن (ر) صفدر کی سزا کے خلاف اپیلیں تیارکر لی گئی ہیں.

تفصیلات کے مطابق ن لیگ کے وکلا نے قیادت کی ہدایت پر نوازشریف، مریم اورکیپٹن (ر) صفدرکی سزا کے خلاف اپیلیں تیار کر لی.

ایون فیلڈ ریفرنس میں‌ احتساب عدالت کے فیصلے کے خلاف اپیلیں ن لیگ کے وکیل خواجہ حارث نے تیار کیں، جنھوں‌ نے اس کیس کی ن لیگ کی جانب سے پیروی کی تھی.

اطلاعات کے مطابق نواز شریف، مریم نواز، کیپٹن (ر) صفدرنے وکالت ناموں پر دستخط کر دیے ، ریفرنس فیصلے کو پیر کے روز اسلام آباد ہائیکورٹ میں چیلنج کیا جائے گا.

یاد رہے کہ گذشتہ روز احتساب عدالت کے جج محمد بشیر نے فیصلہ سناتے ہوئے نواز شریف کو مجموعی طور پر گیارہ، مریم نواز کو آٹھ اور کیپٹن صفدر کو ایک سال قید کی سزا سنائی تھی. ساتھ ہی مجرموں پر احتساب عدالت کی جانب سے بھاری جرمانے عاید کیے گئے ہیں.

فیصلے کے بعد میاں نواز شریف نے لندن میں‌ پریس کانفرنس کرتے ہوئے فیصلے کو شدید تنقید کا نشانہ بنایا تھا اور کلثوم نواز کے ہوش میں‌ آنے کے بعد پاکستان لوٹنے کا اعلان کیا تھا.


ایون فیلڈ ریفرنس: نوازشریف، مریم نواز اور کیپٹن صفدر کو قید کی سزا اور جرمانہ


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں