تحریک انصاف کے وائس چیئرمین شاہ محمود قریشی نے سندھ ہاؤس پر دھاوا بولنے والے پارٹی کارکنوں کو احتجاج ختم کر کے واپس آنے کی اپیل کر دی۔
اے آر وائی نیوز سے گفتگو کرتے ہوئے شاہ محمود قریشی نے کہا کہ کارکنان جذباتی ہیں ان کے جذبات مجروح ہوئے ہیں لیکن قانون ہاتھ میں لینے کی کسی کو اجازت نہیں ہے کسی کے گھر میں داخل ہونا کسی صورت قبول نہیں۔
انہوں نے کہا کہ کارکنان سے اپیل ہے ایسا نہ کریں اس وقت بردباری کی ضرورت یقیناًلوگوں کےجذبات مجروح ہیں کارکنان کےجذبات سمجھتاہوں لیکن ایسےکسی جگہ جانادرست نہیں۔
شاہ محمود نے کہا کہ کسی کو دھمکی نہیں دی جارہی کارکنان سےدرخواست ہےقانون ہاتھ میں نہ لیں کارکنان شائستگی کو ہاتھ سے نہ جانےدیں درخواست ہےبراہ مہربانی سندھ ہاؤس خالی کریں۔
واضح رہے کہ سندھ ہاؤس کے باہر تحریک انصاف کے کارکنوں کا مظاہرہ جاری تھا کہ اس دوران مشتعل کارکن گیٹ توڑ کر اندر داخل ہو گئے اور نعرے بازی کرتے رہے۔
کارکنوں کو روکنے کے لیے سندھ پولیس کی جانب سے کوششیں کی گئیں تاہم درجنوں کارکن اندر داخل ہو کر کے احتجاج کرنے میں کامیاب ہوئے۔
کارکنوں نے ہاتھوں لاٹھیاں اور لوٹے بھی اٹھا رکھے تھے ، درجنوں کارکن سندھ ہاؤس کا داخلی دروازہ توڑ کر اندر داخل ہوئے تو پولیس نے انہیں مزید آگے بڑھنے سے روک دیا۔
