site
stats
سائنس اور ٹیکنالوجی

ایپل فون لارہا ہے موسیقی کی نئی دنیا

موسیقی سے لگاؤ رکھنے والے صارفین کے لیے خوشخبری ہے کہ معروف میوزک کلیکشن ایپ شازم اب ایپل موبائل سیٹ کے فیچر ایپل میوزک کا حصہ ہوگی جس کے ذریعے صارفین اپنے من پسند گانوں کو فوری طور پر سرچ کر کے لطف اندوز ہو سکیں گے.

موبائل بنانے والی معروف کمپنی ایپل نے موسیقی کے دلدادہ صارفین کے لیے معروف میوزک لائبریری ایپلیکشن شازم سے معاہدہ کرلیا ہے جس کے بعد شازم کی سروس ایپل میوزک اسٹریمنگ کا حصہ بن کر صارفین کے لیے مفید ثابت ہوگی جس کے ذریعے صارفین اپنے پسندیدہ نغموں کو بآسانی ڈھونڈ پائیں گے.

ترجمان اپیل فونز کا کہنا ہے کہ شازم ایپلیکیشن استعمال کرنے والوں کی تعداد ایک ارب سے زائد ہو گئی ہے چنانچہ اس کی افادیت کو دیکھتے ہوئے شازم کو ایپل اسٹور میں جگہ دینے کا فیصلہ کیا گیا ہے.

خیال رہے میوزک اپلیکیشن شازم اینڈرائیڈ فونز میں بھی کامیابی سے استعمال کیا جارہا ہے اور موسیقی کے دیوانوں کی اولین پسند بھی ہے شاید یہی وجہ ہے کہ اب ایپل موبائل نے بھی اپنے صارفین تک شازم ایپلیکش پہنچانے کا فیصلہ کیا ہے.

خیال رہے کہ اس وقت ایپل میوزک کو 27 ملین صارفین استعمال کر رہے ہیں جس کا مقابلہ اسپاٹی فائی لمیٹیٹڈ سے ہے جس کے 60 ملین صارفین ہیں تاہم شاز کی موجودگی سے ایپل میوزک کے صارفین کی تعداد کئی گنا بڑھ جائے گی.

گو ایپل فون نے شازم ایپلیکشن کے لیے اپنے فون کے فیچر میں کچھ تبدیلیاں کی ہیں تاہم ابھی ان تبدیلیوں کو اپنے صارفین سے خفیہ رکھا ہوا ہے جسے جلد ایک سرپرائز کے طور پر سامنے لایا جائے گا.

اب دیکھنا یہ ہے کہ موبائل فون کی دنیا کا بے تاج بادشاہ اور میوزک لائبریری میں سے آگے شازم ایپ کا یہ میلاپ صارفین کے دلوں کے تار کو چھیڑ پاتا ہے کہ نہیں اور کیا صارفین اس سہولت کے ذریعے اپنی ماضی کی خوبصورت یادوں کو بہ صورت نغمہ ڈھونڈ پانے میں کامیاب ہو پاتے ہیں یا  انہیں‌ ناکامی کا سامنا ہوگا.

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top