site
stats
خواتین

لڑکیوں کی تعلیم کے لیے ایپل اور ملالہ یوسف زئی ایک ساتھ

معروف ٹیکنالوجی کمپنی ایپل نے اعلان کیا ہے کہ وہ پاکستانی نوبل انعام یافتہ طالبہ ملالہ یوسف زئی اور ان کی تنظیم ملالہ فنڈ کے ساتھ مل کر لڑکیوں کی تعلیم کے لیے کام کریں گے۔

گزشتہ روز ایپل کے سربراہ ٹم کک اور ملالہ یوسف زئی نے لبنان میں لبنانی اور شامی طلبا سے ملاقات کی۔ اس موقع پر ایپل نے اعلان کیا کہ وہ لڑکیوں کی تعلیم کے لیے ملالہ یوسف زئی کے ساتھ کام کریں گے۔

ایپل کی معاونت سے فی الحال اس پروگرام کا آغاز بھارت اور لاطینی امریکا میں شروع کیا جائے گا۔

ملالہ یوسفزئی کا ’گل مکئی نیٹ ورک‘ اس وقت پاکستان، افغانستان، لبنان، ترکی اور نائجیریا میں لڑکیوں کو تعلیم حاصل کرنے میں مدد دینے کے لیے کوشاں ہے۔

اس موقع پر ملالہ کا کہنا تھا، ’مجھے خوشی ہے کہ ایپل لڑکیوں کی تعلیم پر سرمایہ کاری کرنے کی اہمیت جانتا ہے اور وہ ملالہ فنڈ کے ساتھ دنیا بھر کی لڑکیوں کو بغیر کسی خوف کے تعلیم حاصل کرنے میں مدد فراہم کر رہا ہے‘۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top