ایپل کمپنی صارفین کا ڈیٹا خفیہ رکھنے کے ایک بڑے منصوبے پر کام کر رہی ہے۔
تفصیلات کے مطابق امریکی ٹیکنالوجی کمپنی ایپل کی جانب سے کلاؤڈ پر صارفین کا جمع شدہ ڈیٹا محفوظ رکھنے کی منصوبہ بندی کر رہی ہے۔
ریکارڈ سے پتا چلتا ہے کہ صرف گزشتہ سال ذاتی ڈیٹا تک بلا اجازت رسائی کے 1 ارب 10 کروڑ واقعات پیش آئے، ایپل کا کہنا ہے کہ اینکرپشن کے ذریعے ایسے واقعات کی روک تھام کی جا سکتی ہے۔
کمپنی کے مطابق کلاؤڈ پر بیک اپ کی جانے والی تصویروں یا پیغامات جیسے ڈیٹا کو اب اینکرپشن کے ذریعے خفیہ رکھا جائے گا، اس اقدام کا مقصد ڈیٹا کے تحفظ کو مضبوط بنانا ہے۔
ایپل کی الیکٹرک کار کے حوالے سے اہم خبر
تاہم، اس سے کچھ خدشات نے بھی جنم لیا ہے، بعض ماہرین نے نشان دہی کی ہے کہ اینکرپشن سے دنیا بھر میں قانون نافذ کرنے والے اداروں کو تفتیش کرنے میں رکاوٹ پیش آ سکتی ہے۔
ایپل کے مطابق یہ سہولت امریکا میں رواں سال کے آخر تک اور دنیا بھر کے صارفین کو آئندہ سال دستیاب ہوگی۔
