لاہور:نواز شریف کی بطور صدرمسلم لیگ (ن)بحالی کیلئے درخواست دائر کردی گئی، جس پر لاہور ہائیکورٹ کے رجسٹرار آفس نے درخواست پر اعتراض عائد کردیا۔
تفصیلات کے مطابق لاہور ہائی کورٹ میں نواز شریف کی بطور صدرمسلم لیگ (ن)بحالی کیلئے درخواست دائر کردی گئی.
درخواست میں مؤقف اختیار کیا کہ 2017میں نواز شریف کو قومی اسمبلی سے نااہل قرار دیا گیا،عمران خان،شیخ رشید،سراج الحق نے نواز شریف کو سربراہی سےہٹانےکی درخواست کی تھی۔
درخواست میں کہا گیا کہ 2018میں سپریم کورٹ نے نواز شریف کو پارٹی صدارت سے ہٹانے کا حکم دیا، سپریم کورٹ نے این اے 95 میانوالی سے عمران خان کو نااہل قرار دے دیا ہے۔
دائر درخواست میں کہنا تھا کہ عمران خان اور ان کا ساتھ دینے پر شیخ رشید ،سراج الحق کو پارٹی سربراہی سے الگ ہو ناچاہیے، عمران خان،شیخ رشید اور سراج الحق صادق و امین نہیں رہے۔
درخواست میں استدعا کی گئی کہ عدالت نواز شریف کو پارٹی صدارت پر بحال کرنے کا حکم جاری کرے اور عمران خان،شیخ رشید اور سراج الحق کیخلاف آرٹیکل63 کے تحت کاروائی کاحکم دے۔
درخواست میں عمران خان، شیخ رشید، سراج الحق، الیکشن کمیشن، وفاقی حکومت اور وزیراعظم کو فریق بنایا گیا ہے۔
لاہور ہائیکورٹ کے رجسٹرار آفس نے درخواست پر اعتراض عائد کرتے ہوئے کہا کہ نواز شریف کو سپریم کورٹ کی جانب سے نااہل کیا گیا ہے، یہ معاملہ لاہور ہائیکورٹ کے دائرہ احتیار میں نہیں آتا۔
درخواست میں عمران خان، شیخ رشید، سراج الحق، الیکشن کمیشن، وفاقی حکومت اور وزیراعظم فریق بنایا گیا۔
