اسلام آباد : وزارت مذہبی امور کا کہنا ہے کہ حج درخواستیں کل سے 6 مارچ تک وصول اور جمع کرائی جا سکیں گی، اس سلسلے میں تمام مجاز بینکوں کو اطلاع کردی گئی، ہفتہ اور اتوار کوبھی حج فارم وصول کیےجائیں گے۔
تفصیلات کے مطابق حج درخواستوں کے اجراو و صولی کی نئی تاریخ کا اعلان کردیا گیا ہے ، سرکلر میں کہا گیا ہے کہ حج درخواست فارم کل سے 6 مارچ تک وصول اور جمع کرائے جا سکتے ہیں۔
وزارت مذہبی امور کی جانب سے تمام مجاز بینکوں کو اطلاع کردی گئی، کابینہ سے ایک اہم نکتےکی عدم منظوری کے باعث پہلی تاریخ میں التواکیاگیا تھا، ہفتہ اور اتوار کوبھی حج فارم وصول کیےجائیں گے۔
وزارت مذہبی امور کا کہنا ہے کہ حج درخواست فارم کو آسان بنایا گیا ہے، حج درخواست فارم سے حلف نامہ ختم نہیں کیا گیا، فارمز پر حلف نامہ موجود ہے جہاں درخواست گزار دستخط کرے گا۔
یاد رہے 2 روز قبل وزارت مذہبی امور نے تمام بینکوں کو 24 فروری سے حج درخواستیں وصول کرنے سے روک دیا تھا ، اس حوالے سے وزارت مذہبی امور نے جاری سرکلر میں کہا گیا تھا کہ تمام متعلقہ بینک وزارت کی جانب سے مزید ہدایات کا انتظار کریں۔
سرکلر میں کہا گیا ہے کہ تمام بینکس وزارت کے حکم کے مطابق 24 فروری سے کوئی حج درخواست یا رقم وصول نہ کریں، وزارت کی جانب سے درخواستوں کی وصولی اور جمع کروانے کی حتمی تاریخ کا اعلان بعد کیا جائے گا۔
