The news is by your side.

Advertisement

16 معاونین کی تقرریاں، وزیر اعظم عمران خان نے عدالت میں جواب جمع کرا دیا

لاہور: وزیر اعظم عمران خان نے 16 معاونین کی تقرریوں کے خلاف درخواست پر جواب عدالت میں جمع کرادیا ، جس میں کہا آئین کے آرٹیکل 93 کے تحت 5 معاون خصوصی رکھ سکتا ہوں۔

تفصیلات کے مطابق لاہور ہائی کورٹ میں ندیم سرور ایڈووکیٹ کی وزیراعظم عمران خان کے 16 معاونین کی تقرریوں کے خلاف درخواست پر سماعت ہوئی۔

دوران سماعت وزیر اعظم عمران خان، وفاقی حکومت، وزرات قانون، شہزاد ارباب، مرزا شہزاد اکبر اور شہزاد قاسم نے جواب جمع کرا دیا۔

وزیر اعظم عمران خان نے اپنے جواب میں کہا ہے کہ وہ آئین کے آرٹیکل 93 کے تحت 5 معاون خصوصی رکھ سکتے ہیں ،رولز آف بزنس کی شق 6 سب شق 4 کے تحت مجھے اختیار ہے کہ مشیر خاص تعینات کر سکوں۔

جواب میں عمران خان کا کہنا تھا کہ قانون یہ بھی اختیار دیتا ہے کہ معاونین کی تنخواہیں اور الاونسز مقرر کر سکوں، تمام معاونین خصوصی اور مشیران خاص کی تقرریاں آئین اور قانون کے مطابق ہیں۔

کارروائی مکمل ہونے پر عدالت نے سماعت غیر معینہ مدت تک ملتوی کر دی۔

Comments

یہ بھی پڑھیں