The news is by your side.

Advertisement

افواہوں پر کان نہ دھریں، حکومت کہیں نہیں جارہی: عقیل کریم ڈھیڈی

اسلام آباد : معروف تاجرعقیل کریم ڈھیڈی نے آرمی چیف سے ملاقات کا احوال بیان کرتے ہوئے کہا کہ افواہوں پر کان نہ دھریں، حکومت کہیں نہیں جارہی ،گزشتہ حکومت نے مدت پوری کی، یہ حکومت بھی اپنی مدت پوری کرے گی۔

تفصیلات کے مطابق معروف تاجرعقیل کریم ڈھیڈی نے  خصوصی گفتگو میں بتایا کہ گزشتہ دنوں آرمی چیف جنرل قمرجاویدباجوہ سے ملاقات ہوئی، جس میں آرمی چیف نے کہاگ زشتہ حکومت نے وقت پورا کیایہ حکومت بھی کرے گی، لوگ افواہوں پر کان نہ دھریں۔

عقیل کریم ڈھیڈی کا کہنا تھا کہ آرمی چیف نے بتایا کوئی غلط فہمی میں نہ رہے، حکومت کہیں نہیں جارہی، حکومت کے خلاف کوئی سازش نہیں ہورہی، تحریک انصاف حکومت کومکمل سپورٹ کریں گے۔

انھوں نے مزید کہا کہ بریفنگ میں بتایاگیاحکومت استحکام کی طرف جارہی ہے،اچھے نتائج آرہے ہیں، پاکستان کے امریکاسمیت دنیاسے تعلقات بہترہورہے ہیں۔

اےکے ڈی کا کہنا تھا کہ بتایاگیا اسمگلنگ کے خاتمے کے لئے بارڈرز سیل کئے جارہے ہیں، پاکستان بھارت سے بھی تعلقات بہترکرناچاہتا ہے، سیکیورٹی صورتحال بہتر ہوئی اور 9 لاکھ نئے سیاحوں نے پاکستان کا رخ کیا۔

Comments

comments

یہ بھی پڑھیں