قومی ٹیم کے سابق فاسٹ بولر عاقب جاوید کی بیٹی عقبہ عاقب نے برطانیہ کی یونیورسٹی سے اپنے گریجویشن مکمل کرلی۔
سابق فاسٹ بولر عاقب جاوید کی اہلیہ نے اپنے ٹویٹ کے ذریعے بتایا کہ ’ان کی بیٹی نے میڈیا اینڈ انٹرنیشنل جرنلزم میں گریجویشن کی ڈگری حاصل کرلی ہے۔‘
انہوں نے لکھا کہ ’ماشا اللہ بیٹی نے یونیورسٹی آف سسکس سے گریجویشن مکمل کیا اور اب ماسٹرز کی تعلیم حاصل کریں گی۔‘
View this post on Instagram
واضح رہے کہ عاقب جاوید پاکستان سپر لیگ (پی ایس ایل) میں لاہور قلندرز کے ہیڈ کوچ کے فرائض انجام دے رہے ہیں۔
عاقب جاوید نے اپنے کیریئر کا آخری ٹیسٹ پشاور میں زمبابوے کے خلاف 1998 میں کھیلا تھا اور آخری ون ڈے انٹرنیشنل بھی زمبابوے ہی کے خلاف پنڈی اسٹیڈیم میں کھیلا تھا۔
فاسٹ بولر 92 کے ورلڈ کپ اسکواڈ کا حصہ تھے اور انہوں نے انگلینڈ کے خلاف میگا ایونٹ کے فائنل میں دو وکٹیں حاصل کی تھیں، انہوں نے 22 ٹیسٹ میچز میں 54 اور 163 ون ڈے انٹرنیشنل میں 182 وکٹیں حاصل کررکھی ہیں۔
