عاقب جاوید کا ٹیم کے ہیڈ کوچ کی دوڑ میں شامل نہ ہونے کا فیصلہ -
The news is by your side.

Advertisement

عاقب جاوید کا ٹیم کے ہیڈ کوچ کی دوڑ میں شامل نہ ہونے کا فیصلہ

لاہور: پاکستانی کرکٹ ٹیم کے ہیڈ کو چ بننے کے متمنی سابق پاکستانی فاسٹ بولر عاقب جاوید نے اب اس دوڑ میں شامل نہ ہونے کا فیصلہ کیا ہے۔

قومی ٹیم کے نئے ہیڈ کوچ کی تقرری متنازع بن گئی، وقار یونس کے مستعٰفی ہونے کے بعد عاقب جاوید کا نام ہیڈ کوچ کیلئے فیورٹ تھا،ذرائع کے مطابق پی سی بی نے سابق پیسر سے رابطہ بھی کیا تھا اور انہیں کوچنگ کی پیشکش کی تھی، لیکن اب عاقب جاوید اس عہدے میں دلچسپی نہیں رکھتے۔

پی سی بی نے ہیڈ کوچ کی تلاش کیلئے وسیم اکرم اور رمیز راجہ پرمشتمل کمیٹی بنائی تھی، وسیم اکرم نے ایک بیان میں ٹیم کا کوچ غیر ملکی ہونے پر زور دیا تھا جس کے بعد سابق ٹیسٹ کرکٹر نے ہیڈ کوچ کی دوڑ میں شامل نہ ہونے کا فیصلہ کیا ہے۔

ہیڈ کوچ کیلئے پی سی بی اشتہار دے چکا ہے، دلچسپی رکھنے والے کرکٹرز پچیس اپریل تک درخواست دے سکتے ہیں، ذرائع کے مطابق سابق آسٹریلوی کھلاڑی ڈین جونز ہیڈ کوچ کیلئے مضبوط امیدواروں میں شامل ہیں۔

Comments

comments

یہ بھی پڑھیں