site
stats
ماحولیات

اپنے گھر میں ایک ساتھ تازہ مچھلیاں اور سبزیاں حاصل کریں

کیا آپ جانتے ہیں آپ اپنے گھر میں بیک وقت سبزیاں اور مچھلیاں حاصل کرسکتے ہیں جو بازار میں بکنے والی سبزی اور مچھلی کی نسبت نہایت صاف ستھری اور صحت بخش ہوں گی۔

میکسیکو میں رائج ایک قدیم زرعی طریقے کو جدید طریقوں کے ساتھ دوبارہ اپنایا جارہا ہے۔ اس طریقے کو ایکوا پونکس کا نام دیا گیا ہے۔

اس طریقے میں ایک ایکوریم میں مچھلیاں رکھی جاتی ہیں، اور اس کے اوپر ایک نرم تختے پر پودے اگائے جاتے ہیں۔

پودوں کی جڑیں نیچے ایکوریم میں ہوتی ہیں۔ ان پودوں کی افزائش مچھلیوں کے فضلے سے ہوتی ہے جو پودوں کے لیے بہترین کھاد ثابت ہوتی ہیں۔

پودوں کو افزائش کے لیے مصنوعی کیمیائی کھاد یا کیڑے مار ادویات کی بھی ضرورت نہیں پڑتی جبکہ عام زراعت کے مقابلے میں اس میں صرف 10 فیصد پانی استعمال ہوتا ہے۔

نیچے ایکوریم میں مچھلیوں کی افزائش بھی جاری رہتی ہے جو پودوں کی جڑوں سے اضافی خوراک حاصل کرسکتی ہیں۔

اس طریقے سے آپ پورا سال تازہ سبزیاں اور مچھلیاں اپنے گھر میں حاصل کرسکتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top