جدہ: جدہ سلامتی و ترقی سربراہ کانفرنس کا اعلامیہ جاری کر دیا گیا۔
تفصیلات کے مطابق جدہ سربراہ کانفرنس کے اعلامیے میں توانائی اور اشیائے خور و نوش کی مسلسل فراہمی کو یقینی بنانے اور خطے کی سلامتی و استحکام کو برقرار رکھنے کے عزم کی تجدید کی گئی ہے۔
اجلاس میں رہنماؤں نے عالمی اقتصادی بحالی کی کوششوں کو سراہتے ہوئے مشترکہ تعاون کو فروغ دینے کے عزم کا بھی اظہار کیا۔
امریکا نے عرب رابطہ گروپ کے فیصلوں کا خیر مقدم کیا، سربراہی اجلاس میں رہنماؤں نے امریکا کی جانب سے بھی ایک ارب ڈالر کی اضافی مالی امداد کے اعلان کو سراہا۔
کانفرنس کے اعلامیے کے مطابق توانائی اور اشیائے ضروریہ کی مسلسل فراہمی یقینی بنانے، خطے کی سلامتی اور استحکام کو برقرار رکھنے کے عزم کی تجدید کی گئی، کاربن کے اخراج کو کم کرنے کے لیے جدید ٹیکنالوجی کے فروغ پر زور دیا گیا۔
جدہ کانفرنس میں خلیجی و امریکی سربراہی اجلاس کا بھی ذکر کیا گیا، 2015 کیمپ ڈیوڈ، 2016 ریاض، 2017 کو ریاض میں اجلاس ہوا تھا، اجلاس میں رہنماؤں نے عالمی اقتصادی بحالی کی کوششوں کو سراہا، رہنماؤں نے مشترکہ تعاون کو فروغ دینے کے عزم کا بھی اظہار کیا۔
Watch: Qatar’s Emir Sheikh Tamim bin Hamad Al Thani arrives in Saudi Arabia for the Jeddah Security and Development Summit and is received by Crown Prince Mohammed bin Salman.https://t.co/G8jOAoUz6u pic.twitter.com/GGwen3Pwp6
— Al Arabiya English (@AlArabiya_Eng) July 16, 2022
اجلاس میں کرونا وائرس کے اثرات، یوکرین جنگ سے معیشت پر منفی اثرات پر غور کیا گیا، خوراک، توانائی بحالی اور ضرورت مند ممالک کی مدد سے متعلق باہمی تعاون کو فروغ دینے کو سراہا گیا۔
اعلامیے کے مطابق امریکا نے 10 مالیاتی و سرمایہ کاری کے اداروں پر مشتمل رابطہ گروپ کا خیر مقدم کیا، عالمی سطح پر خوراک، غذائی قلت دور کرنے کے لیے 10 ارب ڈالر فراہمی کی یقین دہانی کی گئی، جب کہ رہنماؤں نے امریکا کی جانب سے ایک ارب ڈالر کی اضافی امداد کے اعلان کو سراہا، یہ اضافی امداد مشرقی وسطیٰ اور شمالی افریقہ کے لیے مختص کی گئی ہے۔
صدر بائیڈن نے خلیجی عرب ریاستوں کے 3 ارب ڈالر سرمایہ کاری کے اعلان کو سراہا، جو عالمی شراکت داری، انفرا اسٹرکچر کے مقاصد سے ہم آہنگ ہیں۔
